ବିଳାସପୁର: ଗିରଫ ହେଲେ ଛତିଶଗଡର ପୂର୍ବତନ ମୁଖ୍ୟମନ୍ତ୍ରୀ ଅଜିତ ଯୋଗୀଙ୍କ ପୁଅ ଅମିତ ଯୋଗୀ । ଠକେଇ ଅଭିଯୋଗରେ ପୋଲିସ ଅମିତ ଯୋଗୀଙ୍କୁ ଗିରଫ କରିଛି । ମଙ୍ଗଳବାର ସକାଳୁ ତାଙ୍କ ଛତିଶଗଡ ବିଳାସପୁର ବାସଭବନରୁ ପୋଲିସ ଗିରଫ କରିଛି ।
ଭିଡିଓ ସୌଜନ୍ୟ: ଇଟିଭି ବ୍ୟୁରୋ
ଅମିତ ଯୋଗୀଙ୍କ ନାଁରେ ନିଜ ଜନ୍ମସ୍ଥାନ ଏବଂ ଜନ୍ମ ବର୍ଷକୁ ନେଇ ଭୁଲ ତଥ୍ୟ ଦେଇଥିବା ଅଭିଯୋଗ ହୋଇଛି । ଏହି ଅଭିଯୋଗକୁ ଭିତ୍ତି କରି ପୋଲିସ ଧାରା 420 ଅନୁସାରେ ଠକେଇ ମାମଲା ରୁଜୁ କରିଛି। ଅମିତ ତାଙ୍କ ନିର୍ବାଚନୀ ଘୋଷଣା ପତ୍ରରେ ନିଜ ଜନ୍ମସ୍ଥାନ ଓ ବର୍ଷକୁ ନେଇ ଭୁଲ ତଥ୍ୟ ଦେଇଥିଲେ ।
ଅନ୍ୟପଟେ ଅମିତଙ୍କ ଗିରଫଦାରିକୁ ତାଙ୍କ ପିତା ତଥା ପୂର୍ବତନ ମୁଖ୍ୟମନ୍ତ୍ରୀ ଅଜିତ ଯୋଗୀ ଆଇନର ପ୍ରକ୍ରିୟାକୁ ନିନ୍ଦା କରିଛନ୍ତି । ଏହାସହ ଏହା ରାଜନୈତିକ ଚକ୍ରାନ୍ତ ବୋଲି ଅମିତଙ୍କ ପତ୍ନୀ ରିଚା ଯୋଗୀ ଗଣମାଧ୍ୟମକୁ କହିଛନ୍ତି । ତେବେ ଅଜିତଙ୍କୁ କୋର୍ଟରେ ହାଜର କରାଯିବା ନେଇ କହିଛନ୍ତି ଏସପି ।
