ମୁମ୍ବାଇ: ଆଗକୁ ଆସୁଛି ମହାରାଷ୍ଟ୍ର ବିଧାନସଭା ନିର୍ବାଚନ । ଏନେଇ ଗତ ମଙ୍ଗଳବାର ଅଲ ଇଣ୍ଡିଆ ମଜଲିସ-ଇ-ଇତେହାଦୁଲ ମୁସଲିମିନ(ଏଆଇଏମଆଇଏମ) ପକ୍ଷରୁ ନିର୍ବାଚନ ଲଢିବାକୁ ଯାଉଥିବା ତିନି ଜଣ ଦଳୀୟ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି।
ଏଆଇଏମଆଇଏମ ମହାରାଷ୍ଟ୍ରର ଅଧ୍ୟକ୍ଷ ଶୈୟଦ ଇମତିୟାଜ ଜଲିଲ୍ ଏ ସମ୍ପର୍କରେ ଜଣାଇଛନ୍ତି । ଯେଉଁଥିରେ ପୁଣେରୁ ଡେନିୟଲ ରମେଶ ଲାଣ୍ଡଗେ ବଡଗୋସରୀ, ମାଲଗାଓଁ ସେଣ୍ଟ୍ରାଲରୁ ମୁଫତୀ ମହମ୍ମଦ ଇସ୍ଲାଇମ୍ ଅବଦୁଲ ଖଲିକ ଏବଂ ମହମ୍ମଦ ଫିରୋଜ ଖାନ୍ ଲାଲା-ନାନ୍ଦେଡ ଉତ୍ତର ଆସନରୁ ପ୍ରତିଦ୍ୱନ୍ଦିତା କରିବେ। ଆସନ୍ତା ଅକ୍ଟୋବର-ନଭେମ୍ବରରେ ମହାରାଷ୍ଟ୍ର ବିଧାନସଭା ନିର୍ବାଚନ ଅନୁଷ୍ଠିତ ହେବ।
