ବେଙ୍ଗାଲୁରୁ: ସଙ୍ଗରୋଧ କେନ୍ଦ୍ରରେ ବିଦେଶୀ ମହିଳାଙ୍କ ସହ ଦୁର୍ବ୍ୟବହାର । ବେଙ୍ଗାଲୁରୁ ସହରର ଏକ ସଙ୍ଗରୋଧ କେନ୍ଦ୍ରରେ ଜଣେ 30 ବର୍ଷୀୟ ଯୁବକ ଜଣେ ଆଫ୍ରିକୀୟ ମହିଳାଙ୍କ ସହ ଦୁର୍ବ୍ୟବହାର କରିଥିବା ଜଣା ପଡିଛି । ଘଟଣାଟି ସାମ୍ନାକୁ ଆସିବା ପରେ ଉକ୍ତ ଯୁବକଙ୍କୁ ଗିରଫ କରାଯାଇଥିବା ଜଣାପଡିଛି ।
ଅଭିଯୁକ୍ତକୁ ଆଇପିସି ଧାରା 354 ଅଧିନରେ ଗିରଫ କରାଯାଇଛି । ସୂଚନା ମୁତାବକ, ମହିଳା ଜଣକ ଶୁକ୍ରବାର ସଙ୍ଗରୋଧ କେନ୍ଦ୍ରରେ ଶୌଚାଳୟକୁ ଯିବା ସମୟରେ ଅଭିଯୁକ୍ତ ତାଙ୍କ ହାତ ଧରି ଦୁର୍ବ୍ୟବହାର କରିଥିଲେ । ତେବେ ଘଟଣାପରେ ମହିଳା ଜଣକ ନିଜ ଆତ୍ମରକ୍ଷା ପାଇଁ ଜୟଶଙ୍କରକୁ ଆକ୍ରମଣ କରିଥିଲେ । ଘଟଣାପରେ ଜୟଶଙ୍କର ଆଫ୍ରିକୀୟ ମହିଳାଙ୍କୁ କ୍ଷମା ମାଗିଥିଲେ ସତ କିନ୍ତୁ ନିଜ ବଦମାସି ଜାରି ରଖିଥିଲେ । ଏହାପରେ ସେ ଅନ୍ୟ ଜଣେ ଭାରତୀୟ ମହିଳାଙ୍କ ସହ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି ।
ତେବେ ମହିଳା ଜଣକ ପୋଲିସକୁ ଜଣାଇବା ପରେ ସେ ଗିରଫ ହୋଇଥିଲା ।
