ବେଙ୍ଗାଲୁରୁ: କର୍ଣ୍ଣାଟକର କବଡ ତାଲୁକ ଅଞ୍ଚଳରେ ଜଣେ ବ୍ୟକ୍ତି ନିଜ ସ୍ତ୍ରୀ ଓ ମାଉସୀ ଉପରେ ଏସିଡ୍ ମାଡ କରି ଫେରାର୍ । ଉଭୟଙ୍କ ସ୍ବାସ୍ଥ୍ୟବସ୍ଥା ଗୁରୁତର ରହିଛି । ପ୍ରଥମେ ଉଭୟଙ୍କୁ ନେଲୟାଡି ମେଡିକାଲରେ ଭର୍ତ୍ତି କରାଯାଇଥିଲା, ହେଲେ ପରେ ସେମାନଙ୍କ ଅବସ୍ଥା ଗୁରୁତର ହେବାରୁ ମାଙ୍ଗାଲୋର ମେଡିକାଲକୁ ସ୍ଥାନାନ୍ତର କରାଯାଇଛି ।
ସୂଚନା ଅନୁସାରେ, ବୈଜୁ ନାମକ ଜଣେ ବ୍ୟକ୍ତି ପାରିବାରିକ କଳହ କାରଣରୁ ସ୍ତ୍ରୀ ଏବଂ ତାଙ୍କ ମାଉସୀଙ୍କ ଉପରେ ଏସିଡ୍ ପକାଇଥିଲା ଏବଂ ପରେ ଘଟଣାସ୍ଥଳରୁ ଫେରାର ହୋଇଯାଇଥିଲା । ଏ ସଂପର୍କରେ ଉପିନାନଗଡି ପୋଲିସ ଖବର ପାଇବା ପରେ ଘଟଣାର ତଦନ୍ତ କରିବା ସହ ଅଭିଯୁକ୍ତ ସ୍ବାମୀକୁ ଖୋଜିବା ଜାରି ରଖିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
