ହାଇଦ୍ରାବାଦ: ଭାରତରେ ମଙ୍ଗଳବାର ଲଞ୍ଚ ହୋଇଛି ନୂଆ ଗେମିଂ ଲାପଟପ । ଆସେର ଇଣ୍ଡିଆର ଏହି ନୂଆ ଗେମିଂ ଲାପଟପଟି ହେଇଛି ଆସ୍ପାୟର 7 । ଏହାର 4ଟି ଭାରିଏଣ୍ଟ ରହିଥିବା ବେଳେ ଏହାର ମୂଲ୍ୟ 54,990ରୁ ଆରମ୍ଭ ହୋଇଛି ।
ଏହା କେବଳ କଳା ରଙ୍ଗରେ ଉପଲବ୍ଧ ହେବକୁ ଥିବା ବେଳେ ବର୍ତ୍ତମାନ ଏହା ଫ୍ଲିପକାର୍ଟରେ ମିଳିବ ବୋଲି କମ୍ପାନୀ ସୂଚନା ଦେଇଛି । ଫିଚର ଆକାରରେ ଏହି ଲାପଟପରେ ରହିଛି 15.6 ଇଞ୍ଚର ସ୍କ୍ରିନ । ଏଥିରେ ସ୍କ୍ରିନ-ଟୁ-ବଡି ଅନୁପାତ ଅଧିକ ରହିଥିବା ବେଳେ ଏହାର ଓଜନ ପ୍ରାୟ 2.15 କିଲୋଗ୍ରାମ ରହିଛି ।
ତେବେ ଏହି ଗେମିଂ ଲାପଟପରେ 9ମ ଜେନେରେସନ ଇଣ୍ଟେଲ କୋର i7 ପ୍ରୋସେସରର ବ୍ୟବହାର କରାଯାଇପାରେ । ନଚେତ ୟୁଜର୍ସଙ୍କ ସୁବିଧା ଅନୁଯାୟୀ ଏଏମଡି ରେଜେନ 3000 ସହ ଏନଭିଆଇଡିଆଇଏ ଗ୍ରାଫିକ୍ସର ବ୍ୟବହାର କରାଯାଇପାରେ । ଏହା ଦ୍ବାରା ଲାପଟପରେ ଅପରେଟିଂ ସ୍ପିଡ ବଢାଯାଇପାରେ । ପ୍ରୋଫେସନାଲଙ୍କ ପାଇଁ ଏହି ଲାପଟପରେ 1 ଟିବି ଏମ.2 ପିସିଏଲଇ ଷ୍ଟୋରେଜ ଓ 32 ଜିବି ଡିଡିଆର4(ଏସଓ-ଡିଆଇଏମଏମ) ର୍ୟାମ ଯୋଗାଇବ ।
କନେକ୍ଟିଭିଟି ପାଇଁ ଏହି ଲାପଟପରେ ରହିଛି ଏଚଡିଏମଆଇ ଓ ୟୁଏସବି 3.2 ପୋର୍ଟସ । ଏଥିସହ ଏହି ଗେମିଂ ଲାପଟପରେ ୱାଇଫାଇ-6 ସହ ଏମୟୁ-ଏମଆଇଏମଓ ଟେକ୍ନୋଲୋଜିର ମଧ୍ୟ ସୁବିଧା ରହିଛି ।
@IANS
