ଅହମଦାବାଦ: ଗୁଜରାଟର ଭଦୋଦରାରେ ମର୍ମନ୍ତୁଦ ସଡକ ଦୁର୍ଘଟଣା । ଭଦୋଦରା ଜିଲ୍ଲାର ପଦ୍ରା ତାଲୁକା ଅଞ୍ଚଳରେ ଦୁଇଟି ଗାଡି ପରସ୍ପର ସହ ଧକ୍କା ହେବାରୁ ଘଟଣାସ୍ଥଳରେ 12 ଜଣଙ୍କର ମୃତ୍ୟୁ ଘଟିଛି । ଏକ ବିବାହ ଉତ୍ସବରେ ଯୋଗ ଦେଇ ଫେରୁଥିବା ବେଳେ ମିନିଟ୍ରକ ସହ ଡମ୍ପର ଧକ୍କା ହେବାରୁ ଏହି ଦୁର୍ଘଟଣା ଘଟିଥିଲା ।
ଭୟଙ୍କର ସଡକ ଦୁର୍ଘଟଣା; ଘଟଣାସ୍ଥଳରେ 12 ମୃତ
ଘଟଣା ଏତେ ଭୟଙ୍କର ଥିଲା ଯେ, ଘଟଣାସ୍ଥଳରେ ହିଁ 12 ଜଣଙ୍କ ପ୍ରାଣବାୟୁ ଉଡିଯାଇଥିଲା । ସେପଟେ ଘଟଣାରେ ଅନ୍ୟ 10 ଜଣ ଆହତଙ୍କୁ ସରକାରୀ ଚିକିତ୍ସାଳୟରେ ଭର୍ତ୍ତି କରାଯାଇଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିବା ସହ ତଦନ୍ତ ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
