ଲକ୍ଷ୍ନୌ: କୋରୋନ ସଂକ୍ରମଣ ହେତୁ ଉତ୍ତରପ୍ରଦେଶର ମହାରାଜଗଞ୍ଜ ଜିଲ୍ଲାରେ ଥିବା କ୍ୱାରେଣ୍ଟାଇନ ସେଣ୍ଟରରେ ରହୁଥିବା 493 ଜଣ ନେପାଳ ନାଗରିକଙ୍କୁ ସ୍ବଦେଶ ପଠାଯାଇଛି । ଭାରତର ନେପାଳର ସୋନୋଲି ଏବଂ ନୌତନବା ସୀମାରେ ଏହି କ୍ୱାରେଣ୍ଟାଇନ କେନ୍ଦ୍ରଗୁଡ଼ିକ ଅବସ୍ଥିତ । ଏଠାରେ 15 ଶହ ନେପାଳୀ ନାଗରିକଙ୍କୁ କ୍ବାରେଣ୍ଟାଇନ କରାଯାଇଥିଲା । ନେପାଳ ପ୍ରଶାସନ ସହ କଥା ହେବା ପରେ ସରକାର ସେମାନଙ୍କୁ ନିରାପଦ ସହକାରେ ନେପାଳ ପଠାଇଛନ୍ତି। ଏଥିରେ ମହିଳା ଏବଂ ପୁରୁଷ ଅନ୍ତର୍ଭୁକ୍ତ । ଏହି ସମୟ ମଧ୍ୟରେ ସୀମାରେ ଜନପ୍ରତିନିଧୀ, ସ୍ୱାସ୍ଥ୍ୟ ବିଭାଗ,ଏସସିବି, ପୋଲିସ ଏବଂ ପ୍ରଶାସନର ଦଳ ଉପସ୍ଥିତ ଥିଲେ।
ଦେଶରେ କୋରୋନା ସଂକ୍ରମଣ ହେତୁ ଲକଡାଉନ ଘୋଷଣା କରାଯାଇଛି । ଯାହାଦ୍ବାରା ଇଣ୍ଡୋ-ନେପାଳର ସୀମାକୁ ସିଲ କରି ଯାନବାହାନ ଚଳପ୍ରଚଳ ଉପରେ ରୋକ ଲଗାଯାଇଥିଲା । ଯାହା ପରେ ଦେଶର ବିଭିନ୍ନ ଅଞ୍ଚଳରୁ ନିଜ ଦେଶକୁ ଫେରୁଥିବା ପ୍ରାୟ 15 ଶହ ନେପାଳ ଶ୍ରମିକ ସୋନୌଲି ସୀମାରେ ଫସି ରହିଥିଲେ। ଏହା ପରେ ଖାଦ୍ୟ ଏବଂ ପାନୀୟ ସମେତ ସ୍ୱାସ୍ଥ୍ୟ ସୁବିଧା ମହାରାଜଗଞ୍ଜ ଜିଲ୍ଲା ପ୍ରଶାସନ ଦ୍ବାରା ସେମାନଙ୍କୁ ବିଭିନ୍ନ କ୍ବାରେଣ୍ଟାଇନ କେନ୍ଦ୍ରରେ ଯୋଗାଇ ଦିଆଯାଇଥିଲା।
ଏଥି ସହିତ ନେପାଳ ପ୍ରଶାସନକୁ ଏହି ସମସ୍ତ ନାଗରିକଙ୍କ ବିଷୟରେ ଜିଲ୍ଲା ପ୍ରଶାସନ ସୂଚନା ଦେଇଥିଲା। ନେପାଳ ପ୍ରଶାସନର ଅନୁରୋଧ କ୍ରମେ ପ୍ରଥମେ 493 ନାଗରିକ ଯେଉଁମାନେ କ୍ବାରେଣ୍ଟାଇନ ଅବଧି ସମାପ୍ତ କରିଥିଲେ ସେମାନଙ୍କ ଦେଶକୁ ପଠାଯାଇଥିଲା । ପୋଲିସ କହିଛି ଯେ, ସୀମାନ୍ତ ଅଞ୍ଚଳରେ ନିର୍ମିତ ମୋଟ 11ଟି କ୍ବାରେଣ୍ଟାଇନ ସେଣ୍ଟରରେ ପ୍ରାୟ 1450 ନେପାଳ ନାଗରିକ ବାସ କରୁଛନ୍ତି। ନେପାଳ ପ୍ରଶାସନ ସହିତ କଥାବାର୍ତ୍ତା ପରେ, ପୁଣି 493 ନାଗରିକଙ୍କୁ ସେମାନଙ୍କ ଦେଶକୁ ପଠାଯାଇଛି । ଅବଶିଷ୍ଟ ଅନ୍ୟ ନେପାଳ ନାଗରିକଙ୍କୁ ଶୀଘ୍ର ପଠାଇବା ପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
