ନୂଆଦିଲ୍ଲୀ: ଭାରତରେ ଉତ୍କଟ ରୂପ ନେଉଛି କୋରୋନା ସଂକ୍ରମଣ । ବର୍ତ୍ତମାନ 7 ଲକ୍ଷ 42 ହଜାର ପାର କରିଛି ସଂକ୍ରମିତଙ୍କ ସଂଖ୍ୟା । ତେବେ ଦେଶରେ ଯେପରି କୋରୋନା ଉପରେ କାବୁ କରାଯିବ ସେନେଇ କୋଭିଡ ଟେଷ୍ଟକୁ ମଧ୍ୟ ବୃଦ୍ଧି କରାଯାଉଛି । ଦେଶରେ ଥିବା ସମସ୍ତ ପଞ୍ଜିକୃତ ଲ୍ୟାବରେ ଅହରହ ଏହି ଟେଷ୍ଟ ଜାରି ରହିଛି ।
ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆସିଏମଆର) ସୂଚନା ମୁତାବକ, ଗତ 24 ଘଣ୍ଟା ମଧ୍ୟରେ 262679 ନମୁନା ପରୀକ୍ଷା କରାଯାଇଛି । ଯାହାଦ୍ବାରା ଦେଶରେ 7 ଜୁଲାଇ ମଙ୍ଗଳବାର ସୁଦ୍ଧା 1 କୋଟି 4 ଲକ୍ଷ 73 ହଜାର 771ଟି ପରୀକ୍ଷା କରାଯାଇଛି ।
କେନ୍ଦ୍ର ଓ ରାଜ୍ୟ ସରକାରଙ୍କ ସଚେତନତା ସତ୍ତ୍ବେ ବୃଦ୍ଧି ପାଉଛି ସଂକ୍ରମଣ । ଜୁଲାଇ 7 ତାରିଖ ସୁଦ୍ଧା ଭାରତର ସଂକ୍ରମଣ ସଂଖ୍ୟା 7 ଲକ୍ଷ 42 ହଜାର 417କୁ ବୃଦ୍ଧି ପାଇଛି । ସେଥିମଧ୍ୟରୁ 20 ହଜାର 642 ଜଣଙ୍କର ମୃତ୍ୟୁ ହୋଇଛି । 4 ଲକ୍ଷ 56 ହଜାର 831ଟି ଜଣ ସୁସ୍ଥ ହୋଇଥିବାବେଳେ, 2 ଲକ୍ଷ 64 ହଜାର 944ଟି ମାମଲା ଏବେ ବି ସକ୍ରିୟ ରହିଥିବା ସୂଚନା ଦେଇଛି ସ୍ବାସ୍ଥ୍ୟମନ୍ତ୍ରାଳୟ ।
