ନୂଆଦିଲ୍ଲୀ: ଏନକ୍ରିପ୍ଟଟେଡ ଏବଂ ପାସୱାର୍ଡ-ସଂରକ୍ଷିତ କରି 24 ଘଣ୍ଟା ପର୍ଯ୍ୟନ୍ତ ମାଗଣା ଭିଡିଓ କନଫରେନ୍ସିଂକୁ ଅନୁମତି ଦେଉଥିବା ଜିଓମିଟ୍ ଏବେ ନିଜର ସୁରକ୍ଷା ବଢାଇ ଦେଇଛି । ବର୍ତ୍ତମାନ ଜିଓମିଟର ସୁରକ୍ଷାକୁ ଦୃଷ୍ଟିରେ ରଖି ଆଉ ଏକ ଫିଚର ଯୋଡିଦେଇଛି । ଏହି ଫିଚରଟି ମିଟିଂରେ ଯୋଗ ଦେଉଥିବା ନୂଆ ଅତିତୀଙ୍କୁ ସିଧାସଳଖ ଅନୁମତି ଦେବ ନାହିଁ । ମିଟିଂରେ ଯୋଗ ଦେବାକୁ ହେଲେ ଅତିଥିମାନଙ୍କୁ ସାଇନ୍-ଇନ୍ କରି ସେମାନଙ୍କର ପରିଚୟ ଦେବାକୁ ପଡିବ ।
ଉକ୍ତ ଫିଚର, କମ୍ପାନୀ ସୂତ୍ରରୁ ପ୍ରକାଶ ଯେ ଭିଡିଓ-କନଫରେନ୍ସିଂ ଟୁଲ୍ ଜୁମ୍ ଉପରେ ଏକ ଅନଲାଇନ୍ କ୍ଲାସ୍ ଚାଲୁଥିବା ସମୟରେ ସ୍କ୍ରିନରେ କିଛି ଅଶ୍ଳୀଳ ଚିତ୍ର ଗୁଡ଼ିକୁ ପ୍ରଦର୍ଶନୀ ହେଉଥିଲା । ଯାହାକି ପରବର୍ତ୍ତୀ ସମୟରେ ରିପୋର୍ଟ ହୋଇଥିଲା । ଏହାକୁ ଦୃଷ୍ଟିରେ ରଖି ଜିଓମିଟ ଏପରି ନିଷ୍ପତ୍ତି ନେଇଛି ।
ଖୁବଶୀଘ୍ର ଜିଓମିଟ ଲାଇଭ ଯିବ । ଏଣ୍ଟରପ୍ରାଇଜ୍ ଗ୍ରାହକଙ୍କ ପାଇଁ ନୂତନ କାର୍ଯ୍ୟକାରିତା ସହିତ 6 ଟି ଫିଚର ଏବଂ ଉନ୍ନତି ଉନ୍ମୋଚନ କରିଛି । ତେବେ ଏହି ନୂତନ ଫିଚର ଯୋଡିବା ଦ୍ବାରା ହ୍ୟାକର୍ସମାନେ ବିନା କୌଣସି ଅନୁମତିରେ କନଫରେନ୍ସରେ ପ୍ରବେଶ କରି ପାରିବେ ନାହିଁ । ସେପଟେ ଏହି ବର୍ଦ୍ଧିତ ଫିଚର ଆପ୍ ଖୁବଶୀଘ୍ର ଗୁଗଲ ପ୍ଲେ ଷ୍ଟୋରରେ ଉପଲବ୍ଧ ହେବ । ଏହାସହ ଆଇଫୋନରେ ମଧ୍ୟ ଏହି ଆପକୁ ଉପଲବ୍ଧ କରାଇଦିଆଯିବ ।
ନୂତନ ଫିଚର ଗୁଡିକ ବ୍ୟକ୍ତିଗତ ସଭା କକ୍ଷଗୁଡ଼ିକରେ ଅନ୍ତର୍ଭୁକ୍ତ କରାଯାଇପାରିବ । ଯେପରିକି ସ୍କୁଲ କ୍ଲାସେସ ଏବଂ ଦୈନିକ ମିଟିଂ କରାଯାଇପାରିବ । ତେବେ ଏହି ଫିଚରରେ କନଫରେନ୍ସ ମିଟିଂ ଆରମ୍ଭ ହେବା ପୂର୍ବରୁବ ନିଜର ବ୍ୟକ୍ତିଗତ ପାସୱାର୍ଡ ସେଟ୍ କରିବାର କ୍ଷମତା ଦିଆଯାଇଛି ।
JioMeet ବ୍ୟବହାରକାରୀ ବର୍ତ୍ତମାନ ଭିଡିଓକୁ ଦୁଇଥର କ୍ଲିକ୍ କରି ଏକ ମିଟିଂ ଅଂଶଗ୍ରହଣକାରୀଙ୍କୁ ବୃଦ୍ଧି କରିପାରବେ ଏବଂ ପିନ୍ କରି ମଧ୍ୟ କରିପାରିବେ । JioMeet ଏକ ସ୍ଥାନରୁ ଏକାଧିକ କାର୍ଯ୍ୟାଳୟ ସହ ସହଯୋଗ କରିପାରିବ । ସେହିପରି ଏଣ୍ଟରପ୍ରାଇଜ୍ ଗ୍ରାହକଙ୍କ ଦ୍ବାରା ବ୍ୟବହୃତ ପାରମ୍ପାରିକ ଭିଡିଓ କନଫରେନ୍ସିଂ ସମାଧାନ ସହିତ ଏକୀକରଣକୁ ମଧ୍ୟ ଉନ୍ମୋଚନ କରିଛି । ଏକ କମ୍ପାନୀ ନିଜର କର୍ମଚାରୀମାନଙ୍କୁ ଅଫିସ୍ ଏବଂ ଘର ସହିତ ଏକକାଳୀନ ସହଯୋଗ ମଧ୍ୟ କରିପାରିବ ।
ଏଣ୍ଟରପ୍ରାଇଜ୍ ଉପଭୋକ୍ତାମାନଙ୍କ ପାଇଁ ଏହି ସଂସ୍କରଣରେ ଏକକ-ବ୍ୟବହାର ସାଇନ୍-ଅନ୍ ରହିଛି, ଯାହା ଉପଭୋକ୍ତାମାନଙ୍କୁ ସେମାନଙ୍କର ବିଦ୍ୟମାନ ୟୁଜର୍-ଆଇଡି ଏବଂ ପାସୱାର୍ଡ ବ୍ୟବହାର କରିବାକୁ ଅନୁମତି ଦେବ ।
କଲ୍ ଭିତରେ, ଜୁମ୍ ଆପ୍ ଗୋଟିଏ ମୋବାଇଲ୍ ସ୍କ୍ରିନରେ ଏକ ସମୟରେ ଚାରିଜଣ ଅଂଶଗ୍ରହଣକାରୀଙ୍କୁ ଦେଖାଇଥାଏ । ହେଲେ JioMeet ଗୋଟିଏ ମୋବାଇଲ୍ ସ୍କ୍ରିନରେ 9 ସକ୍ରିୟ ଅଂଶଗ୍ରହଣକାରୀଙ୍କୁ ଅନୁମତି ଦେଇଛି ।
