ଲକ୍ଷ୍ନୌ : ଗୋରଖପୁର-ଲକ୍ଷ୍ନୌ ହାଇୱେରେ ମଙ୍ଗଳବାର ବିଳମ୍ବିତ ରାତିରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ବସ୍ ଏବଂ ବୋଲେର ମୁହାଁମୁହିଁ ଧକ୍କା ହେବା ଫଳରେ ଗୋଟିଏ ପରିବାରର 4 ଜଣଙ୍କର ମୃତ୍ୟୁ ଘଟିଛି । ଦୁର୍ଘଟଣାରେ ଆଉ ଜଣେ ଗୁରୁତର ଆହତ ହୋଇଥିବା ଜଣା ପଡିଛି ।
ଭିଡିଓ ସୌଜନ୍ୟ: ଇଟିଭି ଭାରତ
ବିହାର ଶିବାନ ଅଞ୍ଚଳରରେ ବସବାସ କରୁଥିବା ଏହି ପରିବାରର 5 ଜଣ ସଦସ୍ୟ ବୋଲେରୋରେ ଆମେଠି ଜନପଦର ଜଗଦୀଶପୁର ଅଭିମୁଖେ ଯାଉଥିଲେ । ଅଯୋଧ୍ୟା ବୁଥ ନମ୍ବର-4 ନିକଟସ୍ଥ ଗୋରଖପୁର-ଲକ୍ଷ୍ନୌ ହାଇୱେରେ ସାମ୍ନାପଟୁ ଆସୁଥିବା ଏକ ବସ୍ ତାଙ୍କ ବୋଲେରୋକୁ ଧକ୍କା ଦେଇଥିଲା । ତେବେ ଘଟଣା ସ୍ଥଳରେ 4 ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ମହିଳା ଗୁରୁତର ଆହତ ହୋଇଥିଲେ ।
ସୂଚନା ପାଇ କୋତୱାଲି ପୋଲିସ ଘଟଣା ସ୍ଥଳକୁ ପହଞ୍ଚି ମହିଳାଙ୍କୁ ଉଦ୍ଧାର କରି ତାଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲା ।
