ହାଇଦ୍ରାବାଦ: ନବରାତ୍ରୀର ଶେଷଦିନରେ ଆଜି ଦେବୀ ଦୁର୍ଗାଙ୍କୁ ସିଦ୍ଧିଦାତ୍ରୀ ସ୍ବରୂପ ପୂଜା କରାଯାଉଛି । ଦେବୀ ଦୁର୍ଗାଙ୍କ ନଅ ରୂପ ମଧ୍ୟରୁ ସିଦ୍ଧିଦାତ୍ରୀ ନବମ ଶକ୍ତି ।
ସାରା ଜଗତର ରିଦ୍ଧି ଓ ସିଦ୍ଧିର ଦେବୀ ହେଉଛନ୍ତି ସିଦ୍ଧିଦାତ୍ରୀ । ସ୍ବର୍ଣ୍ଣ ଆଭୁଷଣରେ ସୁସଜ୍ଜିତ ଚର୍ତ୍ତୁମୂଜା ମା’ ହସ୍ତରେ ଶଙ୍ଖ, ଚକ୍ର, ଗଦା ଏବଂ ପଦ୍ମ ଧାରଣ କରି ସିଂହ ଉପରେ ବସି ଧରାପୃଷ୍ଠରେ ବିରାଜମାନ କରିଥାନ୍ତି । ନବମୀ ଅବସରରେ ସିଦ୍ଧିଦାତ୍ରୀ ମା’ଙ୍କୁ ପୂଜାର୍ଚ୍ଚନା କରିବା ଦ୍ବାରା ଶୁଭଫଳ ପ୍ରାପ୍ତି ହୋଇଥାଏ ବୋଲି ବିଶ୍ବାସ ରହିଛି ।
ଆଜି ଦେବୀଙ୍କୁ ତିଳ ବା ରାଶି ନୈବେଦ୍ୟ ଆକାରରେ ଅପର୍ଣ କରିବା ଶୁଭଙ୍କର । ଏଥିସହିତ ଡାଳିମ୍ବ ମଧ୍ୟ ଅର୍ପଣ କରାଯାଏ । ନବରାତ୍ରୀର ମହାନବମୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ସିଦ୍ଧିଦାତ୍ରୀଙ୍କ କୃପାରୁ ଆମେ ସବୁ ଆମର ସିଦ୍ଧି ପ୍ରାପ୍ତ କରୁ ବୋଲି ସେ ଲେଖିଛନ୍ତି ।
