ଲକ୍ଷ୍ନୌ: ଆମେଥିର ବିଜେପି ନେତା ସୁରେନ୍ଦ୍ର ସିଂହଙ୍କ ହତ୍ୟା ମାମଲାରେ ପୋଲିସକୁ ବଡ ସଫଳତା ମିଳିଛି । ପୋଲିସ ଗୁରୁବାର ଜାମୋ ଥାନାଞ୍ଚଳରୁ 5 ଦିନ ହେବ ଫେରାର ଥିବା ମୁଖ୍ୟ ଅଭିଯୁକ୍ତ ଗୋଲୁ ସିଂହକୁ ଗିରଫ କରିଛି ।
ଆମେଥିର ନବନିର୍ବାଚିତ ସାଂସଦ ସ୍ମୃତି ଇରାନୀଙ୍କ ଅତି ନିକଟତର କୁହାଯାଉଥିବା ବରୋଲିଆ ଗାଁର ସୁରେନ୍ଦ୍ର ସିଂହଙ୍କୁ କିଛି ଦୁର୍ବୃତ୍ତ ଗୁଳି କରି ହତ୍ୟା କରିଥିଲେ । ମୃତକଙ୍କ ପରିବାର ପକ୍ଷରୁ 5 ଜଣଙ୍କ ବିରୋଧରେ ଅଭିଯୋଗ ଦାଖଲ ପରେ ପୋଲିସ 3 ଜଣଙ୍କୁ ଗିରଫ କରିଥିଲା । ବର୍ତ୍ତମାନ ପର୍ଯ୍ୟନ୍ତ ଘଟଣାର ଆଉ ଜଣେ ଅଭିଯୁକ୍ତ ଓ୍ବାସିମ ଫେରାର ରହିଛି ।
ଗିରଫ ଅଭିଯୁକ୍ତଙ୍କ ବିରୋଧରେ ଧାରା 302(ହତ୍ୟା), ଓ ଧାରା 120-ବି( ଅପରାଧିକ ଷଡଯନ୍ତ୍ର ଆଧାରରେ ମାମଲା ରୁଜୁ ହୋଇଥିବା ଉତ୍ତର ପ୍ରଦେଶ ପୋଲିସ ଅଧୀକ୍ଷକ ଦୟାରାମ ସୂଚନା ଦେଇଛନ୍ତି ।
