ମୁମ୍ବାଇ: ମହାରାଷ୍ଟ୍ରରେ କୋରୋନା ସ୍ଥିତି ଭୟାବହ ରୂପ ନେଇଛି । ପ୍ରତିଦିନ ଶହ ଶହ ମାମଲା ସାମ୍ନାକୁ ଆସୁଛି । ଶନିବାର 811ଟି ପଜିଟିଭ କେସ ବାହାରିଛି । ଏଥିରୁ ମୁମ୍ବାଇରେ ସର୍ବାଧିକ 281ଟି ମାମଲା ରହିଛି ।
ସ୍ବାସ୍ଥ୍ୟ ବିଭାଗ ସୂଚନାନୁସାରେ ଶନିବାର ରାଜ୍ୟରେ 811 ଆକ୍ରାନ୍ତ ଓ 22 ମୃତ୍ୟୁ ସ୍ପଷ୍ଟ ହୋଇଛି । ଫଳରେ ମହାରାଷ୍ଟ୍ରରେ ମୋଟ ଆକ୍ରାନ୍ତଙ୍କ ସଂଖ୍ୟା 7000 ପାର କରିଛି । ଏବେ ସୁଦ୍ଧା ମୋଟ 7628 ଜଣ ପଜିଟିଭ ଚିହ୍ନଟ ହୋଇଛନ୍ତି । ସେହିପରି 323 ଜଣଙ୍କର ଏପର୍ଯ୍ୟନ୍ତ ମୃତ୍ୟୁ ହୋଇଛି ।
ତେବେ ମୁମ୍ବାଇରେ ସର୍ବାଧିକ ଆକ୍ରାନ୍ତ ରହିଛନ୍ତି । ଶନିବାର 281 ନୂଆ ପଜିଟିଭ ସହ 12 ଜଣଙ୍କର ମୃତ୍ୟୁ ହୋଇଛି । ମାୟା ନଗରୀରେ ଏବେ ଯାଏଁ 4870 ଜଣ କୋଭିଡ-19ର ଶିକାର ହୋଇଛନ୍ତି । ମୃତ୍ୟୁ ସଂଖ୍ୟା 191 ରହିଥିବାବେଳେ 762 ଜଣ ସୁସ୍ଥ ହୋଇ ଡିସଚାର୍ଜ ହୋଇଛନ୍ତି । କେବଳ ଶନିବାର 167 ଜଣଙ୍କ ରିପୋର୍ଟ ନେଗେଟିଭ ପରେ ସେମାନେ ହସ୍ପିଟାଲରୁ ମୁକ୍ତ ହୋଇଛନ୍ତି ।
ସୌଜନ୍ୟ@ANI
