ନୂଆଦିଲ୍ଲୀ: ସୋମବାର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ କହିଛି ଯେ କୋଭିଡ -19 ମାମଲାର 80 ପ୍ରତିଶତ କେସରେ କୋରୋନା ଲକ୍ଷଣ ବିନା ପଜେଟିଭ ରିପୋର୍ଟ ଆସୁଛି । ଗଣମାଧ୍ୟମକୁ ସୂଚନା ଦେଇ ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲଭ ଅଗ୍ରୱାଲ କହିଛନ୍ତି ଯେ ବିଶ୍ଳେଷଣ ଅନୁଯାୟୀ 80% ମାମଲାରେ କୋରୋନା ଲକ୍ଷଣ ଦେଖାଯାଉନାହିଁ । ମାତ୍ର ପରୀକ୍ଷା ପରେ କୋରୋନା ପଜିଟିଭ ରିପୋର୍ଟ ଆସୁଛି ।
ସେ ଆହୁରି ମଧ୍ୟ କହିଛନ୍ତି ଯେ 15 ପ୍ରତିଶତରୁ ଅଧିକ ମାମଲା ଗୁରୁତର ମାମଲାରେ ପରିଣତ ହେଉଛି ଏବଂ ଅକ୍ସିଜେନର ସହାୟତା ଆବଶ୍ୟକ କରୁଥିବା ବେଳେ 5 ପ୍ରତିଶତ ମାମଲା ଅତ୍ୟଧିକ ଗୁରୁତର ହୋଇପାରେ ।
ଇଣ୍ଡିଆନ କାଉନସିଲ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ସଂକ୍ରାମକ ରୋଗ ଏବଂ ମହାମାରୀର ମୁଖ୍ୟ ରମଣ ଗଙ୍ଗାଖାଡେକର କହିଛନ୍ତି ଯେ, 100 ଜଣଙ୍କ ମଧ୍ୟରୁ 80 ଜଣ ଲକ୍ଷଣ ଦେଖାନ୍ତି ନାହିଁ । ପରେ ସେମାନଙ୍କ ରିପୋର୍ଟ କୋରୋନା ପଜିଟିଭ ରହୁଛି ।
ସେ କହିଛନ୍ତି ଯେ ଏହି କାରଣରୁ ଲୋକମାନେ ଲକଡାଉନ ନିୟମ ପାଳନ କରିବା ଉଚିତ ଏବଂ ସାମାଜିକ ଦୂରତା ବଜାୟ ରଖିବା ଉଚିତ । ଏହି ଉପାୟରେ ଲୋକମାନେ କୋରୋନା ସମ୍ପର୍କରେ ଆସିବେ ନାହିଁ ବୋଲି ସେ କହିଛନ୍ତି । ଏହି ତଥ୍ୟ ଏବେ ଚିନ୍ତାଜନକ ସାଜିଛି ।
@IANS
