ସିମଲା: ମହିଳାଙ୍କୁ ଜଙ୍ଗଲରେ ଗଣଦୁଷ୍କର୍ମ ଅଭିଯୋଗ । ଏଭଳି ଲଜ୍ଜ୍ୟା ଜନକ ଘଟଣା ଦେଖିବାକୁ ମିଳିଛି ହିମାଚଳ ପ୍ରଦେଶର ଗଗଲ ଅଞ୍ଚଳରେ । ଏହି ଅଭିଯୋଗରେ 7 ଜଣଙ୍କୁ ଗିରଫ କରିଛି ପୋଲିସ । ଅଭିଯୁକ୍ତଙ୍କୁ କୋର୍ଟ ଚାଲାଣ ପରେ ସେମାନଙ୍କୁ ରିମାଣ୍ତରେ ନିଆଯାଇଛି । ସୂଚନା ଅନୁସାରେ, ଜଣେ ମହିଳାଙ୍କୁ ସ୍ଥାନୀୟ ଅଞ୍ଚଳର 7 ଜଣ ଯୁବକ ଏକ କାରରେ ଗଗଲ ଅଞ୍ଚଳରେ ଥିବା ଏକ ଜଙ୍ଗଲକୁ ନେଇ ଗଣ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଥିଲା । ପରେ ମହିଳା ଜଣଙ୍କୁ ପୁଣି ଏକ ହୋଟେଲକୁ ନେଇ ଦୁଷ୍କର୍ମ କରିଥିଲେ ।
ଏନେଇ ପୀଡିତା ଜଣକ ଧର୍ମଶାଳା ଥାନାରେ ଏତଲା ଦେଇଥିଲେ । ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ଏସପି ଭିମକୁଟ ରଞ୍ଜନ କହିଛନ୍ତି ଯେ, ଏକ ଦୁଷ୍କର୍ମ ମାମଲା ରୁଜୁ ହୋଇଛି । ଏହି ମମାଲାରେ 7 ଜଣଙ୍କୁ ମଧ୍ୟ ଗିରଫ କରାଯାଇଛି । ସେପଟ ସେ ଏହି ଘଟଣାକୁ ନିନ୍ଦା କରିଛନ୍ତି କଂଗ୍ରସର ବରିଷ୍ଠ ନେତା । ବରିଷ୍ଠ ନେତା ଜି ଏସ ବଲି ଆଇନ ଶୃଙ୍ଖଳା ପରିସ୍ଥିତି ବିଗିଡି ଯାଇଛି ବୋଲି ସେ କହିଛନ୍ତି । ଗୋଟିଏ ମାସ ମଧ୍ୟରେ କାଙ୍ଗରା ଜିଲ୍ଲାରେ ଏହା ଦ୍ବିତୀୟ ଘଟଣା ।
@ ANI
