ଗୁମଲା: ପାଲକୋଟ ପୋଲିସ ଷ୍ଟେସନ ଅଞ୍ଚଳର ବିଲିଙ୍ଗବିରା ଗ୍ରାମ ନିକଟ ଧୋତିଘାଟ ଜଙ୍ଗଲରେ ନକ୍ସଲମାନଙ୍କ ବିରୋଧରେ ସର୍ଚ୍ଚ ଅପରେସନ ବେଳେ ଗୁମଲା ପୋଲିସକୁ ଏକ ବଡ଼ ସଫଳତା ମିଳିଛି। ଜଙ୍ଗଲରେ ନକ୍ସଲମାନେ ଖଞ୍ଜିଥିବା ସାତଟି ଆଇଡି ବୋମା ପୋଲିସ ଉଦ୍ଧାର କରିଛି ।
ଅପରେସନ ବେଳେ ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରିବା ପାଇଁ ନକ୍ସଲମାନେ ଜଙ୍ଗଲରେ ସାତଟି ବୋମା ଲଗାଇଥିଲେ । ଅପରେସନ ସମୟରେ ଧୋତିଘାଟ ଜଙ୍ଗଲରେ ଏକ ବୈଦୁତିକ ତାର ଦେଖି ପୋଲିସ ଏହାକୁ ଉଦ୍ଧାର କରିଥିଲା ।
ଜିଲ୍ଲାର ଏସପି ହରିଦୀପ ପି ଜନାର୍ଦ୍ଦନ କହିଛନ୍ତି ଯେ, ସର୍ଚ୍ଚ ଅପରେସନ ସମୟରେ ପୋଲିସ ଏହି ସଫଳତା ପାଇଛି। ନକ୍ସଲମାନେ ଏହାକୁ ଖଞ୍ଜିଥିଲା । ଉଦ୍ଧାର ପରେ ସମସ୍ତ ସାତୋଟି ବୋମାକୁ ନିଷ୍କ୍ରିୟ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
