ସୁରଟ: ଆସନ୍ତାକାଲି ଦେଶ ପାଳିବ 73 ତମ ସ୍ବାଧୀନତା ଦିବସ । ସେନେଇ ସବୁଠି ଚାଲିଛି ପ୍ରସ୍ତୁତି । ତେବେ ଚଳିତ ବର୍ଷ ସ୍ବାଧୀନତା ଦିବସ ଓ ରାକ୍ଷୀ ପୂର୍ଣ୍ଣିମା ଗୋଟିଏ ଦିନରେ ପଡୁଛି । ସେନେଇ ଦେଶବାସୀଙ୍କ ମଧ୍ୟରେ ଉତ୍ସୁକତା ଦେଖାଦେଇଛି । ଏନେଇ ଆଜି ସୁରଟର ଏକ ସ୍କୁଲରେ ଛାତ୍ରଛାତ୍ରୀମାନେ ମାନବଶୃଙ୍ଖଳରେ ତ୍ରିରଙ୍ଗା ପତାକା ସହ ରାକ୍ଷୀକୁ ଅତି ସୁନ୍ଦର ଭାବେ ପ୍ରଦର୍ଶନ କରିଛନ୍ତି ।
ଭିଡ଼ିଓ ସୌଜନ୍ୟ:ଏଏନଆଇ
670 ଜଣ ଛାତ୍ରଛାତ୍ରୀ ଏକଜୁଟ ହୋଇ ଉଭୟ ଦିବସକୁ ପାଳନ କରିଛନ୍ତି । ରାକ୍ଷୀ ପୂର୍ଣ୍ଣିମା ଓ ସ୍ବାଧୀନତାର ଦିବସ ଗୋଟିଏ ଦିନରେ ପାଳନ ହେବାକୁ ଥିବାବେଳେ ଗୋଟିଏ ମାନବଶୃଙ୍ଖଳରେ ହିଁ ତ୍ରିରଙ୍ଗା ପତାକା ଓ ରାକ୍ଷୀକୁ ଅତି ସୁନ୍ଦର ଭାବେ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ ।
ପୂର୍ବରୁ ସୁରଟରେ ଧାରା 370 ଉଚ୍ଛେଦକୁ ନେଇ ମାନବଶୃଙ୍ଖଳରେ ଛାତ୍ରଛାତ୍ରୀ ପ୍ରଦର୍ଶନ କରିଥିଲେ । ତେବେ ସ୍ବାଧୀନତା ଦିବସ ଉପଲକ୍ଷେ ତାଲିମନାଡୁ ଓ ଛତିଶଗଡରେ ମଧ୍ୟ ଭିନ୍ନ ଭିନ୍ନ ମାନବଶୃଙ୍ଖଳରେ ଜାତୀୟ ପତାକାକୁ ପ୍ରଦର୍ଶନ କରାଯାଇଥିଲା ।
