ରାଜସ୍ଥାନରେ ଅଟକିଛନ୍ତି 60 ଛାତ୍ରଛାତ୍ରୀ, ଉଦ୍ଧାର ପାଇଁ ମୁଖ୍ୟମନ୍ତ୍ରୀଙ୍କୁ ନିବେଦନ

ରାଜସ୍ଥାନର ଜୟପୁରରେ ଫସି ରହିଛନ୍ତି ପ୍ରାୟ 60 ଜଣ ଓଡିଆ ଛାତ୍ରଛାତ୍ରୀ। ଜୟପୁରର ରାଷ୍ଟ୍ରୀୟ ସଂସ୍କୃତ ସଂସ୍ଥାନରେ ପରୀକ୍ଷା ଦେବାକୁ ଯାଇ ସେଠାରେ ଫସି ରହିଛନ୍ତି। ଫଳରେ ଘରକୁ ଫେରିବାକୁ ସେମାନେ ସରକାରଙ୍କ ନିକଟରେ ଗୁହାରି କରିଛନ୍ତି ।

ଭୁବନେଶ୍ବର: ରାଜସ୍ଥାନର ଜୟପୁରରେ ଫସି ରହିଛନ୍ତି ପ୍ରାୟ 60 ଜଣ ଓଡିଆ ଛାତ୍ରଛାତ୍ରୀ। ଜୟପୁରର ରାଷ୍ଟ୍ରୀୟ ସଂସ୍କୃତ ସଂସ୍ଥାନରେ ପରୀକ୍ଷା ଦେବାକୁ ଯାଇ ସେଠାରେ ଫସି ରହିଛନ୍ତି। ଫଳରେ ଘରକୁ ଫେରିବାକୁ ସେମାନେ ସରକାରଙ୍କ ନିକଟରେ ଗୁହାରି କରିଛନ୍ତି ।

ଛାତ୍ରଛାତ୍ରୀମାନେ ପରୀକ୍ଷା ଦେବାକୁ ଯାଇଥିବାବେଳେ କୋରୋନା ପାଇଁ ହଠାତ୍‌ ଲକ୍‌ଡାଉନ୍‌ ପରେ ସେମାନେ ଘରକୁ ଫେରି ପାରିନଥିଲେ। ତେବେ ସଂସ୍ଥା ପଷରୁ ଦିଆଯାଇଥିବା ହଷ୍ଟେଲରେ ସେମାନେ ରହୁଥିବାବେଳେ ଲାକ୍‌ଡାଉନ୍‌ ପାଇଁ ଖାଇବା ସାମଗ୍ରୀ ବାହାରୁ ଆଣି ପାରୁନାହାନ୍ତି ।

ସେମାନେ ଓଡିଶାର ପୁରୀ, ଜଗତସିଂହପୁର, କେଉଁଝର, ବରଗଡ ଆଦି ଜିଲ୍ଲାର ହୋଇଥିବା ଜଣାପଡିଛନ୍ତି । ସେଠାରେ ନାନା ଅସୁବିଧାର ସମ୍ମୁଖୀନ ହେଉଥିବାରୁ ନିଜ ଘରକୁ ଫେରିବା ପାଇଁ ସରକାରଙ୍କ ନିକଟରେ ଗୁହାରି କରିଛନ୍ତି। ଆସନ୍ତାମାସ ସେମାନଙ୍କ ପରୀକ୍ଷା ଥିବାବେଳେ ଲକ୍‌ଡାଉନ୍‌ ଯୋଗୁଁ ସେମାନେ ବାହାରି ନ ପାରି ଜୟପୁରରେ ଫସି ରହିଛନ୍ତି।

ଭୁବନେଶ୍ବରରୁ ତପନ ଦାସ, ଇଟିଭି ଭାରତ