ନୂଆଦିଲ୍ଲୀ: ଆସୁଛି ମହାରକ୍ଷକ । ଭାରତୀୟ ବାୟୁସେନାର ବାହୁବଳୀ ଯୁଦ୍ଧ ବିମାନ ରାଫେଲ ବର୍ତ୍ତମାନ ଭାରତୀୟ ବାୟୁ ସୀମାରେ ପ୍ରବେଶ କରିସାରିଛି । 5ଟି ରାଫେଲ ବିମାନକୁ ଦୁଇଟି ସୁଖୋଇ-30 ବିମାନ ଏସକର୍ଟ ଦେଉଛି । ଆଉ କିଛି ସମୟ ପରେ ଏହା ଅମ୍ବାଲା ଏୟାରବେସରେ ଲ୍ୟାଣ୍ଡିଂ କରିବ ।
ଭାରତୀୟ ସୀମାରେ ପ୍ରବେଶ ପରେ ରାଫେଲ ବିମାନଗୁଡିକୁ ଆଇଏନଏସ କୋଲକାତା ପକ୍ଷରୁ ସ୍ବାଗତ କରାଯାଇଛି । ଏହାପରେ ଦୁଟି ସୁଖୋଇ ଯୁଦ୍ଧ ବିମାନ 5ଟି ରାଫେଲ ବିମାନକୁ ଏସକର୍ଟ କରି ଅମ୍ବାଲା ଏୟାରବେସ ଅଭିମୁଖେ ଆଣୁଛନ୍ତି ।
ଭାରତ ଆକାଶରେ 5 ରାଫେଲ ବିମାନ
ଭାରତୀୟ ବାୟୁସେନାରେ ସାମିଲ ହେବାକୁ ଯାଉଛି ବହୁ ପ୍ରତିକ୍ଷୀତ ରାଫେଲ ଯୁଦ୍ଧ ବିମାନ । ତେବେ ରାଫେଲକୁ ରକ୍ଷା ମନ୍ତ୍ରଣାଳୟ ପକ୍ଷରୁ ସ୍ବାଗତ କରାଯାଇଛି ।
