ଥିରୁବନନ୍ତପୁରମ : ସୁସ୍ଥ ହେଲେ କୋରୋନା ଆକ୍ରାନ୍ତ । କେରଳରେ କୋରୋନାରେ ଆକ୍ରାନ୍ତ ହୋଇଥିବା 5 ଜଣ ସୁସ୍ଥ ହେବା ପରେ ମେଡିକାଲରୁ ଡିସଚାର୍ଜ କରାଯାଇଛି । ସେମାନଙ୍କୁ ପଠାନମିତ୍ର ଜିଲ୍ଲା ସରକାରୀ ଡାକ୍ତରଖାନାରେ ଚିକିତ୍ସା କରାଯାଉଥିଲା । ସେମାନଙ୍କୁ ଘରକୁ ନିଆଯିବା ପୂର୍ବରୁ ସ୍ବାସ୍ଥ୍ୟ କର୍ମଚାରୀମାନେ ଭଲ ଭାବରେ ଘରକୁ ପରିଷ୍କାର କରିଥିଲା । ତେବେ ଆକ୍ରାନ୍ତ ହୋଇଥିବା 5 ଜଣ ରାନ୍ନି ଅଞ୍ଚଳର ରହୁଥିଲେ । ସେମାନଙ୍କ ପରିବାର ଲୋକଙ୍କୁ 14 ଦିନ ହୋମ କ୍ବାରେଣ୍ଟାଇନରେ ରଖାଯିବ ।
ଆକ୍ରାନ୍ତଙ୍କ ପରିବାରକୁ 14 ଦିନ ହୋମ କ୍ବାରେଣ୍ଟାଇନ ସମୟରେ ନିର୍ଦ୍ଦେଶାବଳୀକୁ କଡାକଡି ପାଳନ କରିବାକୁ ନିର୍ଦ୍ଦେଶ ଦିଆଯାଇଛି। ଆକ୍ରାନ୍ତଙ୍କ ପରିବାର ପୂର୍ବରୁ ଇଟାଲୀ ଯାତ୍ରା କରିଥିଲେ । ହେଲେ ଏ କଥା ସେ ଲୁଚାଇ ଥିଲେ । ଫଳରେ କୋରୋନା ଭାଇରସର ଶୀକାର ହୋଇଥିଲେ ପରିବାରର ସଦସ୍ୟ । ଅନ୍ୟପଟେ ବର୍ତ୍ତମାନ ସୁଦ୍ଧା ପଠାନମିତ୍ର ଜିଲ୍ଲାରେ 7, 744 ଜଣଙ୍କୁ କ୍ବାରେଣ୍ଟାଇନରେ ରଖାଯାଇଥିବା ମେଡିକାଲ ଅଧିକାରୀ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
