ଗୁଜୁରାଟ କପଡା ଗୋଦାମରେ ଅଗ୍ନିକାଣ୍ଡ, 4 ମୃତ

ଅହମ୍ମଦାବାଦ କପଡା ଫ୍ୟାକ୍ଟ୍ରିରେ ଅଗ୍ନିକାଣ୍ଡ, 4 ମୃତ । 12ଟି ଦମକଳବାହିନୀ ନିଆଁ ଲିଭା କାର୍ଯ୍ୟରେ ନିୟୋଜିତ । ଅଧିକ ପଢନ୍ତୁ...

ଗାନ୍ଧିନଗର: ଅହମ୍ମଦାବାଦ କପଡା ଫ୍ୟାକ୍ଟ୍ରିରେ ଅଗ୍ନିକାଣ୍ଡ । ଭୀଷଣ ନିଆଁରେ ପୋଡି ହୋଇ 4 ଜଣଙ୍କ ମୃତ୍ୟୁ ଘଟିଛି । ସଂଧ୍ୟା 6 ଟା ସମୟରେ ଏହି ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି । 4 ଘଣ୍ଟାର ପରିଶ୍ରମ ପରେ ଅଗ୍ନିଶମ ବିଭାଗ ନିଆଁକୁ ଆୟତ୍ତ କରିଥିବା ଜଣାପଡିଛି ।

ଘଟଣାସ୍ଥଳରେ 4 ମୃତଦେହ ଉଦ୍ଧାର କରାଯାଇଛି । ସେମାନଙ୍କ ପରିଚୟ ମିଳିପାରିନାହିଁ । ଡେପୁଟି କମିଶନର ବିପିନ ଆହିର ଘଟଣାସ୍ଥଳରେ ଉପସ୍ଥିତ ଅଛନ୍ତି । ନିଆଁଲିଭା କାର୍ଯ୍ୟରେ 12ଟି ଦମକଳବାହିନୀ ନିୟୋଜିତ ଥିଲେ । ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ଜଣାପଡିନାହିଁ ।

ବ୍ୟୁରୋ ରିପୋର୍ଟ, ଇଟିଭି ଭାରତ