ନୂୂଆଦିଲ୍ଲୀ: ଦେଶରେ ଏବେ ପ୍ରତ୍ୟେକ ଦିନ କୋରୋନା ସଂକ୍ରମଣ ମାମଲା 50 ହଜାରରୁ ତଳକୁ ରହୁଛି । ଗତ 24 ଘଣ୍ଟାରେ 45 ହଜାର 903ଟି କୋରୋନା ସଂକ୍ରମଣ ରିପୋର୍ଟ ହୋଇଛି। ଯେଉଁଥିରେ 490 ଜଣଙ୍କର ମୃତ୍ୟୁ ହୋଇଛି। ଏନେଇ ସୂଚନା ଦେଇଛି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ସଦ୍ୟତମ ରିପୋର୍ଟକୁ ମିଶାଇ 85 ଲକ୍ଷ 53 ହଜାର 657ରେ ପହଞ୍ଚିଛି ଆକ୍ରାନ୍ତଙ୍କ ସଂଖ୍ୟା। ସେହିପରି ମୃତ୍ୟୁ ସଂଖ୍ୟା ବୃଦ୍ଧି ପାଇଁ 1 ଲକ୍ଷ 26 ହଜାର 611କୁ ଛୁଇଁଛି।
ତେବେ ଭଲ ଖବର ଯେ, ମୋଟ ସଂକ୍ରମିତଙ୍କ ମଧ୍ୟରୁ 79 ଲକ୍ଷ 17 ହଜାର 373 ଜଣ ସୁସ୍ଥ ହୋଇଥିବାବେଳେ, ବର୍ତ୍ତମାନ 5 ଲକ୍ଷ 09 ହଜାର 673 ଜଣ ସଂକ୍ରମିତ ବିଭିନ୍ନ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ସେଥିମଧ୍ୟରୁ ଅତ୍ୟଧିକ ମହାରାଷ୍ଟ୍ର, କର୍ଣ୍ଣାଟକ, କେରଳ, ଆନ୍ଧ୍ରପ୍ରଦେଶ ଓ ତାମିଲନାଡୁରେ ଅତ୍ୟଧିକ ସଂକ୍ରମିତ ରହିଛନ୍ତି ।
ଦେଶରେ କୋରୋନା ମୃତ୍ୟୁ ହାର 1.48 ପ୍ରତିଶତ ରହିଛି। ସୁସ୍ଥ ହାର 92.49 ରହିଛି।
