ମୁମ୍ବାଇ: ମହାରାଷ୍ଟ୍ରର ବୋରଘରରେ ବସ ଦୁର୍ଘଟଣା । 4 ଯାତ୍ରୀ ମୃତ । ଅନେକ ଆହତ । ନିକଟସ୍ଥ ଖୋପୋଲି ସରକାରୀ ମେଡିକାଲରେ ଭର୍ତ୍ତି ।
ମହାରାଷ୍ଟ୍ରରେ ବସ ଦୁର୍ଘଟଣା, 4 ମୃତ
ସୋମବାର, ସକାଳ 5 ଟାରେ ବୋରଘର ନିକଟରେ ବସଟି ଭାରସ୍ୟାମ ହରାଇ ରାସ୍ତା କଡକୁ ଖସି ପଡିଥିଲା । ଯେଉଁଥିରେ 4 ଜଣ ଯାତ୍ରୀଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ଜଣେ 2 ବର୍ଷର ଶିଶୁ ରହିଛି । ଏହି ଦୁର୍ଘଟଣାରେ ଅନେକ ଯାତ୍ରୀ ଆହତ ହୋଇଛନ୍ତି । ତେବେ ସକାଳ ସମୟରେ ବସ ଚାଳକଙ୍କ ଆଖି ଲାଗିଯାଇଥିବାରୁ ଏପରି ହୋଇଥିବା ଅନୁମାନ କରାଯାଉଛି ।
ଦୁର୍ଘଟଣା ପରେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି । ସୂଚନା ଅନୁଯାୟୀ, ବୁଲାଣିରେ ହିଁ ବସଟି ଭାରସ୍ୟାମ ହରାଇ ରାସ୍ତାକଡକୁ ଖସି ପଡିଥିଲା ।
