ଡେରାଡୁନ: 4 ମଣିଷ କଙ୍କାଳ ଉଦ୍ଧାର । ରବିବାର କେଦାରନାଥରେ ଉତ୍ତରାଖଣ୍ଡ ପୋଲିସ ଏବଂ ଏସଡିଆରଏଫ ମିଳିତ ସହଯୋଗରେ ଚାଲିଥିବା ସର୍ଚ୍ଚ ଅପରେସନରେ ଚାରୋଟି ମଣିଷ କଙ୍କାଳ ଉଦ୍ଧାର କରାଯାଇଛି ।
ସୂଚନା ଅନୁଯାୟୀ, ଗତ 2013 ମସିହାରେ କେଦାରନାଥରେ ଘଟିଥିବା ପ୍ରଳୟଙ୍କାରୀ ବନ୍ୟାରେ 4 ଜଣ ନିଖୋଜ ଥିଲେ । ରବିବାର 10 ଟି ସର୍ଚ୍ଚ ଟିମ୍ ଅପରେସନ କରୁଥିବାବେଳେ 4 ଜଣଙ୍କ କଙ୍କାଳ ଉଦ୍ଧାର କରାଯାଇଥିବା ଏସପି ରୁଦ୍ରପ୍ରୟାଗ ସୂଚନା ଦେଇଛନ୍ତି ।
ଏପଟେ କଙ୍କାଳଗୁଡିକୁ ଡିଏନଏ ଟେଷ୍ଟ ପାଇଁ ପଠାଯାଇଛି । ଡିଏନଏ ରିପୋର୍ଟ ଆସିବା ପରେ କଙ୍କାଳକୁ ମନ୍ଦାକିନି ଏବଂ ସୋନ ନଦୀରେ ଭସାଯିବ ।
ପ୍ରକାଶ ଥାଉକି, ଗତ 6 ବର୍ଷ ହେବ ସରକାରଙ୍କ ପକ୍ଷରୁ ବହୁ ସର୍ଚ୍ଚ ଅପରେସନ କରାଯାଇଥିଲା । ଯେଉଁଥିରେ 600 କଙ୍କାଳ ଉଦ୍ଧାର କରାଯାଇଥିଲା । ବର୍ତ୍ତମାନ ଚାଲିଥିବା ସର୍ଚ୍ଚ ଅପରେସନ ସେପ୍ଟେମ୍ବର 16-20 ପର୍ଯ୍ୟନ୍ତ ଚାଲିବ ।
