ଅମରାବତୀ: ଆନ୍ଧ୍ରପ୍ରଦେଶରେ ଥମିବାର ନାନେଉନି କୋରୋନା ଆକ୍ରାନ୍ତଙ୍କ ସଂଖ୍ୟା । ଗତ 24 ଘଣ୍ଟାରେ ରାଜ୍ୟରେ 31 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଆନ୍ଧ୍ରପ୍ରଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା 603 ରେ ପହଞ୍ଚିଥିବା ଆନ୍ଧ୍ରପ୍ରଦେଶ ନୋଡାଲ ଅଫିସର ଅର୍ଜ ଶ୍ରୀକାନ୍ତ କହିଛନ୍ତି ।
ତେବେ ମୋଟ ଆକ୍ରାନ୍ତଙ୍କ ମଧ୍ୟରେ ବର୍ତ୍ତମାନ ସୁଦ୍ଧା 42 ଜଣ ଆକ୍ରାନ୍ତ ସୁସ୍ଥ ଥିବାବେଳେ 15 ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି ।
ସେହିପରି କୋରୋନା ସଂକ୍ରମିତ ବୃଦ୍ଧି ରାଜ୍ୟ ମଧ୍ୟରେ ଗୁଜୁରାଟ ମଧ୍ୟ ରହିଛି । ଶନିବାର ଗୁଜୁରାଟରେ 176 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା 1272ରେ ପହଞ୍ଚିଥିବା ସ୍ବାସ୍ଥ୍ୟ ବିଭାଗ ସୂଚନା ଦେଇଛନ୍ତି ।
ତେବେ ଚିହ୍ନଟ ହୋଇଥିବା 176 ଆକ୍ରାନ୍ତଙ୍କ ମଧ୍ୟରେ 143 ଆକ୍ରାନ୍ତ ଅହମ୍ମଦାବାଦ, 13 ଜଣ ଆକ୍ରାନ୍ତ ସୁରାଟ, 2 ଜଣ ଆକ୍ରାନ୍ତ ରାଜକୋଟ୍, 2 ଜଣ ଆକ୍ରାନ୍ତ ଭଭନଗର ଏବଂ ଆନନ୍ଦ, ବାରୁଚ, ପଞ୍ଚମହଲରୁ ଜଣେ ଲେଖାଏଁ କୋରୋନା ଆକ୍ରାନ୍ତ ରହିଛନ୍ତି ।
