ନୂଆଦିଲ୍ଲୀ: ପାଣି ଟ୍ୟାଙ୍କରକୁ ଧକ୍କା ଦେଲା ଅଟୋ । ଯେଉଁଥିରେ ତିନି ଜଣ ଯାତ୍ରୀଙ୍କର ମୃତ୍ୟୁ ଘଟିଥିବାବେଳେ 10 ଗୁରୁତର ଆହତ ହୋଇଛନ୍ତି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ପୂର୍ବ ଦିଲ୍ଲୀର କଲ୍ୟାଣପୁରୀ ଅଞ୍ଚଳର ଏନଏଚ୍-24 ନିକଟରେ ।
ସୂଚନା ଅନୁଯାୟୀ, ଗତ ଶୁକ୍ରବାର ବିଳମ୍ବିତ ରାତ୍ରିରେ ଏକ ଅଟୋ 13 ଜଣ ଯାତ୍ରୀଙ୍କୁ ନେଇ ଉତ୍ତମ ନଗର ଅଞ୍ଚଳର ନୌନୀତାଲକୁ ଯାଉଥିଲା । ଅଟୋଟି ଅତି ବ୍ୟଗ୍ର ଗତିରେ ଯାଉଥିବା ହେତୁ ଆଗରେ ଥିବା ପାଣି ଟ୍ୟାଙ୍କରକୁ ଧକ୍କା ଦେଇଥିଲା । ଯାହାଫଳରେ ଅଟୋରେ ଯାଉଥିବା 13 ଜଣ ଯାତ୍ରୀଙ୍କ ମଧ୍ୟରେ 3 ଜଣଙ୍କର ଚିକିତ୍ସାବେଳେ ମୃତ୍ୟୁ ଘଟିଥିବାବେଳେ 10 ଜଣ ଯାତ୍ରୀ ଗୁରୁତର ଆହତ ହୋଇଥିଲେ ।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ସହରର ଦୁଇଟି ଅଲଗା ଅଲଗା ମେଡିକାଲରେ ଭର୍ତ୍ତି କରାଇଥିଲେ । ତେବେ ଏହି ଘଟଣାରେ ପାଣି ଟ୍ୟାଙ୍କର ମାଲିକ ଫେରାର ଥିବାବେଳେ ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
