ନୂଆଦିଲ୍ଲୀ: ଦେଶର ବିଶିଷ୍ଟ ବୁଦ୍ଧିଜୀବୀମାନେ ସରକାରଙ୍କୁ ଏକ ଚିଠି ଲେଖିଛନ୍ତି। ଏହି ଚିଠିରେ କିଛି ପରାମର୍ଶ ରହିଛି କିନ୍ତୁ ଚିଠିରେ ଏମିତି ଏକ ଏକ ପରାମର୍ଶ ଥିଲା ଯାହାକୁ ନେଇ ବିବାଦ ଦେଖାଦେଇଛି । ଅଭିଜିତ୍ ସେନ୍, ଜୟତି ଘୋଷ , ଦୀପକ ନାୟାର, ପ୍ରଣବ ବର୍ଦ୍ଧନ, ଜ୍ୟାଂ ଦ୍ରେଜେ, ରାମଦାସ, ରାଜମୋହନ ଗାନ୍ଧୀ, ରାମଚନ୍ଦ୍ର ଗୁହା, ହର୍ଷ ମନ୍ଦର, ନିଖିଲ ଦେ ଓ ଯୋଗେନ୍ଦ୍ର ଯାଦବ ସଭାପତି ସ୍ବରାଜ ଭାରତ ସମେତ ମୋଟ 24 ଜଣ ବୁଦ୍ଧିଜୀବୀ ସରକାରଙ୍କୁ ଲେଖିଛନ୍ତି। ଏହି ଚିଠିର ନାମ 7-ପଏଣ୍ଟ ଏଜେଣ୍ଡା ରଖାଯାଇଛି ।
ଯୋଗେନ୍ଦ୍ର ଯାଦବ 22 ମେ ରେ ନିଜ ଟ୍ବିଟର ଆକାଉଣ୍ଟରେ ସେୟାର କରିଛନ୍ତି। ଏଜେଣ୍ଡାର ନାମ ହେଉଛି - ମିଶନ୍ ଜୟ ହିନ୍ଦ । ଏହାର ଉଦ୍ଦେଶ୍ୟ ହେଉଛି ଶ୍ରମିକ, ଗରିବ ଓ ଅର୍ଥନୀତିକୁ ଟ୍ରାକରେ ଆଣିବାକୁ ସାହାଯ୍ୟ କରିବ । କିନ୍ତୁ ଏହି ଏଜେଣ୍ଡାର ସପ୍ତମ ବିନ୍ଦୁର ଭାଗ 1କୁ ନେଇ ହିଁ ବିବାଦ ସୃଷ୍ଟି ହୋଇଥିଲା । ଏଥିରେ ଲେଖାଥିଲା ଯେ ଏହି ସଙ୍କଟ ସମୟରେ ଦେଶରେ କିମ୍ବା ନାଗରିକଙ୍କ ସହ ଥିବା ସମସ୍ତ ଉତ୍ସ ଜାତୀୟ ସମ୍ବଳ ଭାବରେ ଗ୍ରହଣ କରାଯିବା ଉଚିତ୍। ଅର୍ଥାତ୍ ସମ୍ପତ୍ତିକୁ ଜାତୀୟକରଣ କରିବାକୁ ପରାମର୍ଶ ଦିଆଯାଇଥିଲା।
ଏଠି ପ୍ରଶ୍ନ ଉଠିଥିଲା ଯେ ଯୋଗେନ୍ଦ୍ର ଯାଦବ 23 ମେ ରେ ଅନ୍ୟ ଏକ ଟ୍ବିଟରେ ଏକ ନୂତନ ବିବୃତ୍ତି ଜାରି କରିଥିଲେ ଯେଉଁଥିରେ ସମ୍ପତ୍ତିର ଜାତୀୟକରଣ ପ୍ରସଙ୍ଗ ନଥିଲା। ସଂଶୋଧିତ ବିବୃତ୍ତିରେ କୁହାଯାଇଛି ଯେ ରିଲିଫ୍ ପ୍ୟାକେଜ୍ ପାଇଁ ଉତ୍ସଗୁଡିକର ଟିକସ ବ୍ୟତୀତ ଅନ୍ୟାନ୍ୟ ଉପାୟ ମଧ୍ୟ ମିଳିବା ଉଚିତ୍।
ଜୟ ହିନ୍ଦ ମିଶନ ଅଧୀନରେ ଦେଶର 24 ଜଣ ବିଶିଷ୍ଟ ବୁଦ୍ଧିଜୀବୀ ଦେଇଥିବା 7 ପଏଣ୍ଟ ଏଜେଣ୍ଡାରେ ସାତୋଟି ପ୍ରମୁଖ ଦାବି କରାଯାଇଛି।
ଏଜେଣ୍ଡା-1
ପ୍ରବାସୀ ଶ୍ରମିକଙ୍କୁ 10 ଦିନରେ ଘରକୁ ପଠାଯାଉ
ଏଜେଣ୍ଡା-2
କୋରୋନା ଲକ୍ଷଣ ରୋଗୀଙ୍କୁ ମାଗଣା ଚିକିତ୍ସା ସହ ଫ୍ରଣ୍ଟଲାଇନ୍ ସ୍ବାସ୍ଥ୍ୟକର୍ମୀଙ୍କୁ ଆର୍ଥିକ ପ୍ରୋତ୍ସାହନ
ଏଜେଣ୍ଡା-3
ରାସନ କାର୍ଡଧାରୀଙ୍କୁ 10କେଜି ଚାଉଳ, 1.5 କେଜି ଡାଲି, 800ମିଲି ତେଲ, 500 ଗ୍ରାମ ଚିନି ମିଳିବା ଦରକାର । ସବୁ ସ୍କୁଲରେ ସମୁଦାୟ ରୋଷେଇଘର
ଏଜେଣ୍ଡା-4
ମନରେଗା ଅଧିନରେ 200ଦିନ ରୋଜଗାର । 400 ଟଙ୍କା ଦିନମଜୁରୀ । ଚାକିରୀ ଚାଲିଯାଇଥିବା ଲୋକଙ୍କ ପାଇଁ 30 ଦିନର ସହାୟତା ରାଶି ।
ଏଜେଣ୍ଡା-5
କୃଷକମାନଙ୍କୁ ସେମାନଙ୍କର କ୍ଷତିଗ୍ରସ୍ତ ଫସଲ ଓ ସର୍ବନିମ୍ନ ସହାୟତା ମୂଲ୍ୟଠାରୁ କମ୍ ଉତ୍ପାଦିତ ଦ୍ରବ୍ୟ ପାଇଁ କ୍ଷତିପୂରଣ ଦିଆଯିବା ଉଚିତ୍ ।
ଏଜେଣ୍ଡା-6
କୃଷକ ଓ କ୍ଷୁଦ୍ର ବ୍ୟବସାୟୀଙ୍କ ପାଇଁ ସୁଧ ଉପରେ ଓ ଆଗାମୀ 3 ମାସ ପାଇଁ ଘର ଋଣରେ ରିହାତି । କିସାନ କ୍ରେଡିଟ୍ କାର୍ଡରେ ଆଗାମୀ 6 ମାସ ପାଇଁ ସୁଧ ମୁକ୍ତି ଦିଆଯିବା ଉଚିତ୍ ।
ଏଜେଣ୍ଡା-7
ଅତିରିକ୍ତ ରାଜସ୍ବର ଅତି କମରେ 50 ପ୍ରତିଶତ ପାଇଁ କେନ୍ଦ୍ର ସରକାର ରାଜ୍ୟ ସରକାରଙ୍କ ସହ ମିଶି ଦାୟିତ୍ବ ଗ୍ରହଣ କରିବା ଉଚିତ୍। ସମସ୍ତ ପ୍ରକାରର ଅନାବଶ୍ୟକ ଖର୍ଚ୍ଚ ଓ ସବସିଡି ସଂପୂର୍ଣ୍ଣ ନିଷେଧ ହେବା ଉଚିତ୍ ।
