ଲକ୍ଷ୍ନୌ: ଉତ୍ତରପ୍ରଦେଶରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱାଧିନ କ୍ୟାବିନେଟର ବିସ୍ତାର ହୋଇଛି । ଯେଉଁଥିରେ 23 ଜଣ ବିଧାୟକ ମନ୍ତ୍ରୀ ଭାବେ ଶପଥ ନେଇଛନ୍ତି । ସେମାନଙ୍କ ମଧ୍ୟରୁ 6 ଜଣ କ୍ୟାବିନେଟ, 6 ଜଣ ରାଷ୍ଟ୍ରମନ୍ତ୍ରୀ (ସ୍ବାଧିନ ଦାୟିତ୍ୱ) ଏବଂ 11 ଜଣ ରାଷ୍ଟ୍ରମନ୍ତ୍ରୀ ଭାବେ ଶପଥ ନେଇଛନ୍ତି।
କ୍ୟାବିନେଟ ମନ୍ତ୍ରୀ ଭାବେ ମହେନ୍ଦ୍ର ସିଂହ, ଭୂପେନ୍ଦ୍ର ସିଂହ ଚୌଧୁରୀ, ରାମନରେଶ ଅଗ୍ନିହୋତ୍ରୀ, ସୁରେଶ ରାଣା, ଅନୀଲ ରାଜଭର, କମଳା ରାଣୀ ଶପଥ ନେଇଛନ୍ତି । ସେହିପରି ନୀଳକଣ୍ଠ ତିଓ୍ବାରୀ, କପିଲଦେବ ଅଗ୍ରଓ୍ବାଲ, ସତୀଶ ଦ୍ବିବେଦୀ, ଅଶୋକ କଟାରିୟା, ଶ୍ରୀରାମ ଚୌହାନ ଓ ରବୀନ୍ଦ୍ର ଜୈସ୍ୱାଲଙ୍କୁ ରାଷ୍ଟ୍ରମନ୍ତ୍ରୀ(ସ୍ୱାଧିନ ଦାୟିତ୍ୱ) ପଦ ମିଳିଛି ।
ଅନ୍ୟପକ୍ଷରେ ଅନୀଲ ଶର୍ମା, ମହେଶ ଗୁପ୍ତା, ଆନନ୍ଦ ସ୍ବରୂପ ଶୁକ୍ଲା, ବିଜୟ କାଶ୍ୟପ, ଗିରାଜ ସିଂହ ଧର୍ମେଶ, ଲାଖନ ସିଂହ ରାଜପୁତ, ନୀଳିମା କଟିୟାର, ଚୌଧୁରୀ ଉଦୟ ଭାନ୍ ସିଂହ, ଚନ୍ଦ୍ରିକା ପ୍ରସାଦ ଉପାଧ୍ୟାୟ, ରାମଶଙ୍କର ସିଂହ ପଟେଲ ଓ ଅଜିତ ସିଂହ ପାଲ ରାଷ୍ଟ୍ରମନ୍ତ୍ରୀ ଭାବେ ଶପଥ ନେଇଛନ୍ତି । ମନ୍ତ୍ରୀମଣ୍ଡଳ ବିସ୍ତାର ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବୁଧବାର ବିଭାଗ ବଣ୍ଟନ କରିପାରନ୍ତି। ଏଥିସହିତ ଆଜି ସଂଧ୍ୟାରେ ନୂତନ ମନ୍ତ୍ରୀମଣ୍ଡଳ ସହ ବୈଠକ କରିବେ ମୁଖ୍ୟମନ୍ତ୍ରୀ ଯୋଗୀ ।
