ନୂଆଦିଲ୍ଲୀ: ତାପମାତ୍ରା ପୁଣି ଥରେ ହ୍ରାସ ପାଇଛି। ଘନ କୁହୁଡୁ ଯୋଗୁଁ ଉତ୍ତର ରେଲବାଇ ପକ୍ଷରୁ ପରିଚାଳିତ ହେଉଥିବା 21ଟି ଟ୍ରେନ ଶନିବାର ବିଳମ୍ବରେ ଚାଲୁଛି। ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ଉତ୍ତରପ୍ରଦେଶ ଓ ଆସାମର ବିଭିନ୍ନ ସ୍ଥାନରେ ଘନ କୁହୁଡି ହୋଇଛି।
ଘନ କୁହୁଡି ଯୋଗୁଁ ଆସାମର ଦିବ୍ରୁଗଡ,ବରେଲି ଓ ଗୋରଖପୁରରେ ସକାଳ 5ଟା ସୁଦ୍ଧା 50 ମିଟର ମଧ୍ୟରେ ଦେଖିହେଉଛି। ସେହିପରି ଉତ୍ତର ପ୍ରଦେଶର ବହରାଇଚ, ସୁଲତାନପୁରରେ ଦୃଶ୍ଯମାନ 50 ମିଟରରୁ କମ ରହିଛି। ଯେଉଁଥିପାଇଁ ଗମନାଗମନ ବାଧାପ୍ରାପ୍ତ ହୋଇଛି । ବିଶେଷକରି ବିମାନ ଏବଂ ଟ୍ରେନ ଚଳାଚଳ ଉପରେ ଏହାର ପ୍ରଭାବ ପଡ଼ିଛି।
ଉତ୍ତର ଭାରତରେ ମଧ୍ୟ ଖସିବ ପାରଦ ବଢିବ ଥଣ୍ଡା। ୨ରୁ୩ ଡିଗ୍ରିକୁ ଖସିପାରେ ରାଜ୍ୟର ଅଧିକାଂଶ ସ୍ଥାନର ତାପମାତ୍ରା। 28 କିମ୍ବା 29 ତାରିଖ ବେଳକୁ ରାଜ୍ୟର କିଛି ସ୍ଥାନରେ ଘଡଘଡି ସହ ହାଲୁକା ବର୍ଷା ହେବାର ସମ୍ଭାବନା ରହିଛି। କୁହୁଡି ପାଇଁ ଉତ୍ତର ଭାରତରେ 12ଟି ଟ୍ରେନ ବିଳମ୍ବରେ ଚାଲିଛି।
