ନୂଆଦିଲ୍ଲୀ: ନିଷିଧ ନିଶା କାରବାର କରି ଗିରଫ ହେଲେ 2 ନାଇଜେରିଆ ନାଗରିକ । ଦିଲ୍ଲୀର ମୋହନ ବଗିଚା ଅଞ୍ଚଳରୁ ଏହି ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଛି । 2 ଅଭିଯୁକ୍ତ ହେଲେ, କିଙ୍ଗିସ୍ଲି (28) ଏବଂ ଫେବ୍ରିକ (35) । ସେମାନଙ୍କୁ ଦିଲ୍ଲୀ ପୋଲିସ ଗୁରୁବାର ଗିରଫ କରିଛି ।
ପୋଲିସ ଜବତ କରିଥିବା ଡ୍ରଗ୍ସର ପରିମାଣ 920 ଗ୍ରାମ ଥିଲା, ଯାହାର ମୂଲ୍ୟ 10 କୋଟି ହେବ ବୋଲି ପୋଲିସ ସୂଚନା ଦେଇଛି । ଅନ୍ତର୍ଜାତୀୟ ବଜାରରେ ଏହାର ଚାହିଦା ଖୁବ ବେଶି ରହିଛି । ତେବେ ଗୁରୁବାର ରାତି ଏହି 2 ଅଭିଯୁକ୍ତ ଏକ ସ୍କୁଟର ଯୋଗେ ଡ୍ରଗ୍ସ ଚାଲାଣ କରିବା ପାଇଁ ମୋହନ ଗାର୍ଡେନ ଅଞ୍ଚଳକୁ ଯାଇଥିଲେ । ସେମାନଙ୍କୁ ଦେଖି ପୋଲିସର ସନ୍ଦେହ ହେବାରୁ ଗାଡିକୁ ଅଟକାଇ ପଚରାଉଚୁରା କରିଥିଲା । ପରେ ସେମାନଙ୍କ ବ୍ୟାଗ ଏବଂ ସ୍କୁଟର ଡିକି ତଦନ୍ତ କରିବାରୁ ଏହି ଡ୍ରଗ୍ସ ବାହାରିଥିଲା । ପୋଲିସ ଏବେ ଉଭୟଙ୍କୁ ଗିରଫ କରି ମାମଲା ରୁଜୁ କରି ଅଧିକ ତଦନ୍ତ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
