ମୁମ୍ବାଇ: ମହାରାଷ୍ଟ୍ରରେ ସରକାର ଗଠନକୁ ନେଇ ଶିବସେନାର ଦୃଢୋକ୍ତି ପ୍ରକାଶ । ଶିବସେନା ସାଂସଦ ସଞ୍ଜୟ ରାଉତ ଦଳ ପାଖରେ ବହୁମତ ଥିବା କହି ସମସ୍ତଙ୍କୁ ଆଶ୍ଚର୍ଯ୍ୟ ଚକ୍କିତ କରିଦେଇଛନ୍ତି । ବର୍ତ୍ତମାନ ଶିବସେନା ପଖରେ 170 ବିଧାୟକଙ୍କ ସମର୍ଥନ ରହିଥିବା ସଞ୍ଜୟ କହିଛନ୍ତି ।
ଶିବସେନା ପାଖରେ ବହୁମତ ଥିବା ବେଳେ ବର୍ତ୍ତମାନ 170 ବିଧାୟକଙ୍କ ସମର୍ଥନ ରହିଛି ବୋଲି ସଞ୍ଜୟ ରାଉତ ପ୍ରକାଶ କରିଛନ୍ତି । ଏହି ସଂଖ୍ୟା 175 ପର୍ଯ୍ୟନ୍ତ ପହଞ୍ଚି ପାରେ ବୋଲି ସଞ୍ଜୟ ଜୋର ଦେଇ କହିଛନ୍ତି ।
ବର୍ତ୍ତମାନ ଶିବସେନା ପାଖରେ 56 ବିଧାୟକ ରହିଛନ୍ତି । ସେହିପରି କଂଗ୍ରେସର 44 ଓ ଏନସିପି ପାଖରେ 54 ବିଧାୟକ ରହିଛନ୍ତି । ଅନ୍ୟପକ୍ଷେ 12ରୁ ଅଧିକ ନିର୍ଦ୍ଦଳୀୟ ବିଧାୟକ ରହିଛନ୍ତି । ଏପରି ସ୍ଥିତିରେ ଯଦି ସବୁ ଦଳ ସାଙ୍ଗରେ ଆସିଯାନ୍ତି, ତେବେ ମୋଟ ବିଧାୟକଙ୍କ ସଂଖ୍ୟା 170 ପାଖାପାଖି ପହଞ୍ଚି ଯିବାର ସମ୍ଭାବନା ରହିଛି ।
