ସିକର: ଗ୍ୟାସ ସିଲିଣ୍ଡର ବିସ୍ଫୋରଣର ଛାତିଥରା ଭିଡିଓ । ରାଜସ୍ଥାନର ସିକର ସହରରେ ଶେଖପୁର ମହଲ୍ଲାରେ ଗୁରୁବାର ସକାଳେ ଏକ ଦୋକାନ ଘରେ ଗ୍ୟାସ ସିଲିଣ୍ଡର ଫାଟି 12 ଆହତ ହୋଇଛନ୍ତି । ଆହତଙ୍କ ମଧ୍ୟରୁ 4 ଗୁରୁତରଙ୍କୁ ଜୟପୁରକୁ ସ୍ଥାନାନ୍ତର କରାଯାଇଛି ।
ସୂଚନା ଅନୁସାରେ ଶେଖପୁରା ମହଲ୍ଲାର କୁରୈଶିୟାନ ନାମକ ଏକ ଦୋକାନ ଘରେ ଏହି ବିସ୍ଫୋରଣ ହୋଇଛି । ସକାଳୁ ଖାଇବା ପ୍ରସ୍ତୁତ କରିବା ନିମନ୍ତେ ଗ୍ୟାସ ଲଗାଇବା ମାତ୍ରେ କୌଣସି କାରଣବଶତଃ ଗ୍ୟାସ ସିଲିଣ୍ଡରେ ନିଆଁ ଲାଗିଯାଇଥିଲା । ହଠାତ କିଛି ଲୋକ ସେଠାରେ ଏକତ୍ରିତ ହୋଇଥିଲେ । ପରବର୍ତ୍ତୀ ସମୟରେ ଜୋରଦାର ଶବ୍ଦ କରି ବିସ୍ଫୋରଣ ହୋଇଥିଲା । ଫଳରେ ଘଟଣାସ୍ଥଳରେ ଉପସ୍ଥିତ ଲୋକଙ୍କ ମଧ୍ୟରୁ 12 ଜଣ ଆହତ ହୋଇଥିଲେ ।
ବିସ୍ଫୋରଣ ଏତେ ଜୋରରେ ହୋଇଥିଲେ ଯେ, ଦୋକାନ ଘର ସଂଲଗ୍ନ ଅନେକ ଘରେ କମ୍ପନ ସୃଷ୍ଟି ହୋଇଥିଲା । ଗ୍ୟାସ ସିଲିଣ୍ଡରେ ବିସ୍ଫୋରଣ ପରେ ସୂଚନା ପାଇ ନଗର ପରିଷଦ, ଅଗ୍ନିଶମ ବିଭାଗ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ ।
