ତ୍ରିଚି: ଅବହେଳା ଓ ଦାବି ପୂରଣ ନ ହେବାରୁ ଏଥର ନିର୍ବାଚନ ଲଢିବେ ଚାଷୀ । ପ୍ରଧାନମନ୍ତ୍ରୀ ମୋଦିଙ୍କ ବିପକ୍ଷରେ ନିର୍ବାଚନ ଲଢିବେ ତାଲିମନାଡୁ ଚାଷୀ ସଂଗଠନ । 2017ରୁ ଦିଲ୍ଲୀରେ ପ୍ରତିବାଦ କରି ଆସୁଥିବା ଚାଷୀମାନେ ଏଥର ମୋଦିଙ୍କୁ ବିରୋଧ କରି ତାଙ୍କ ବିରୋଧରେ ବାରଣାସୀରୁ ନିର୍ବାଚନ ଲଢିବେ ।
ବିଜେପି ନିର୍ବାଚନ ପତ୍ରରେ କୃଷକଙ୍କ ଦାବିକୁ ସାମିଲ କରାନଗଲେ, 110 ଜଣ କୃଷକ ନିର୍ବାଚନ ଲଢିବେ ବୋଲି ନିଷ୍ପତ୍ତି ନେଇଛନ୍ତି । ଏନେଇ ଏପ୍ରିଲ 24ରେ ମୋଦିଙ୍କ ବିରୋଧରେ ନାମାଙ୍କନ ପତ୍ର ଦାଖଲ କରିବେ କୃଷକ ସଂଗଠନ । ଦିଲ୍ଲୀରେ ପ୍ରତିବାଦ ଜଣାଇଥିବା ବେଳେ ମୋଦିଙ୍କ ପ୍ରତିକ୍ରିୟା ଦେଖି ଏପରି ନିଷ୍ପତ୍ତି ନେଇଛନ୍ତି ଚାଷୀ ।
ବିଧାନସଭା ଆସନର ଅନ୍ତିମ ପର୍ଯ୍ୟାୟ ନିର୍ବାଚନ ବାରଣାସୀରେ ମେ 19ରେ ନିର୍ବାଚନ ଅନୁଷ୍ଠିତ ହେବ । ଆଉ ଏଥିଲାଗି ଏପ୍ରିଲ 22ରୁ ଏପ୍ରିଲ 29 ପର୍ଯ୍ୟନ୍ତ ନାମାଙ୍କନ ପତ୍ର ଦାଖଲ କରାଯିବ । ନୂଆଦିଲ୍ଲୀ ବିଭିନ୍ନ ଦାବି ସହ ମରୁଡି ଅଞ୍ଚଳରେ ରିଲିଫ ଯୋଗାଇବା ନେଇ ପ୍ରତିବାଦ ଜଣାଇଥିବା ଚାଷୀଙ୍କୁ ମୋଦି ଭେଟିବାକୁ ପ୍ରତ୍ୟାଖାନ କରିଥିଲେ । ତେବେ ସରକାରଙ୍କ ଏଭଳି ଆଚରଣକୁ ଦେଖି ଚାଷୀଙ୍କୁ ସାଧାରଣ ନିର୍ବାଚନକୁ ଟାଣିଆଣିଛି ।
