ନୂଆଦିଲ୍ଲୀ: ମହାମାରୀ କୋରୋନା କବଳରେ ପୋଲିସକର୍ମୀ । ଦିଲ୍ଲୀ ଅଲ୍ଲୀପୁର ଅଞ୍ଚଳର ହେଡ କନେଷ୍ଟବଳ କୋରୋନା ଆକ୍ରାନ୍ତ । କନେଷ୍ଟବଳ କୋରୋନା ଚିହ୍ନଟ ହେବା ପରେ ତାଙ୍କ ସହଯୋଗୀ 11ଜଣ ପୋଲିସ କର୍ମୀଙ୍କୁ ବାଧ୍ୟତାମୂଳକ ଭାବେ କ୍ବାରେଣ୍ଟାଇନରେ ରଖାଯାଇଛି । ଗତକାଲି 9 ଜଣ ସିଆରପିଏଫ ଯବାନଙ୍କ କୋରୋନା ସଂକ୍ରମିତ ହୋଇଛନ୍ତି ।
କିଛି ଦିନ ପୂର୍ବରୁ କନେଷ୍ଟବଳ ଶରୀରରେ ଫ୍ଲୁ ପରି ଲକ୍ଷଣ ଦେଖାଯାଇଥିଲା । ତାଙ୍କୁ ଘରେ ରହିବାକୁ ପରାମର୍ଶ ଦିଆଯାଇଥିଲା । ପରେ ତାଙ୍କର କୋରୋନା ଟେଷ୍ଟ କରାଯାଇଥିବା ବେଳେ ଆଜି ତାଙ୍କ ରିପୋର୍ଟ ପଜିଟିଭ ଆସିଛି । ସେପଟେ ଆଜି ତାଙ୍କ ରିପୋର୍ଟ ଆସିବା ପରେ ପ୍ରଶାସନ ପକ୍ଷରୁ କଣ୍ଟାକ୍ଟ ଟ୍ରେସିଂ ଆରମ୍ଭ କରିଛି । ଏପରିକି ପୁରା ପୋଲିସ ଷ୍ଟେସନକୁ ସାନିଟାଇଜ କରାଯାଇଛି ।
