ନୂଆଦିଲ୍ଲୀ: ଦେଶରେ ଅହେତୁକ ଭାବେ ବୃଦ୍ଧି ପାଉଥିବା କୋରୋନା ସଂକ୍ରମଣ ଉପରେ ରୋକ ଲଗାଇବାକୁ ସ୍ବାସ୍ଥ୍ୟ ବିଭାଗ ପକ୍ଷରୁ ଆରମ୍ଭ ହୋଇଥିବା କୋରୋନା ସାମ୍ପଲ ଟେଷ୍ଟ ସଫଳ ହୋଇଛି । ଯେଉଁଥିପାଇଁ ବର୍ତ୍ତମାନ ସମୟରେ ଏହି ସଂକ୍ରମଣ ହ୍ରାସ ପାଇବାରେ ଲାଗିଛି ।
ତେବେ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ରିପୋର୍ଟ ମୁତାବକ, ଗତ 24 ଘଣ୍ଟାରେ ଦେଶରେ 9 ଲକ୍ଷ 58 ହଜାର 116 ଟି ସାମ୍ପଲ ଟେଷ୍ଟ କରାଯାଇଛି । ଏହାକୁ ମିଶାଇ ଅକ୍ଟୋବର 26 ସୋମବାର ସୁଦ୍ଧା ମୋଟ 10 କୋଟି 44 ଲକ୍ଷ 20 ହଜାର 894ଟି ଟେଷ୍ଟ କରାଯାଇଛି ।
ବର୍ତ୍ତମାନ ଦେଶରେ 79 ଲକ୍ଷ 46 ହଜାର 429 ଟି ସଂକ୍ରମଣ ସଂଖ୍ୟା ରିପୋର୍ଟ ହୋଇଛି, ଯେଉଁଥିରେ ମୋଟ 1 ଲକ୍ଷ 19 ହଜାର 502 ଜଣ ଆକ୍ରାନ୍ତଙ୍କର ଜୀବନ ଯାଇଛି ।
