ଅନ୍ୟାନ୍ୟ ପୁଷ୍ଟିକର ଖାଦ୍ୟ ପରି, ଜିଙ୍କ ମଧ୍ୟ ଭଲ ସ୍ୱାସ୍ଥ୍ୟ ପାଇଁ ଗୁରୁତ୍ୱପୂର୍ଣ୍ଣ । ଏହା ଆମ ଶରୀରରେ 300ରୁ ଅଧିକ ଏନଜାଇମର କାର୍ଯ୍ୟକଳାପରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଯେଉଁଥିରେ ଆମର ପ୍ରତିରକ୍ଷା ପ୍ରଣାଳୀ, କୋଷ ବିଭାଜନ, କୋଷ ବୃଦ୍ଧି, କ୍ଷତ ଆରୋଗ୍ୟ ଏବଂ ପ୍ରୋଟିନ୍ ଏବଂ ଡିଏନ୍ଏ ସିନ୍ଥାଇଜ୍ କରିବା ଆଦି ଅନ୍ତର୍ଭୁକ୍ତ ରହିଛି ।
ମଣିଷ ଶରୀରର ସାଧାରଣ ବିକାଶ ପାଇଁ ଏହା ଏକ ଅତ୍ୟାବଶ୍ୟକ ପୁଷ୍ଟିକର ଖାଦ୍ୟ ହୋଇଥିଲେ ମଧ୍ୟ ବିଶ୍ବର ବହୁ ସଂଖ୍ୟକ ଲୋକ ଜିଙ୍କ ଅଭାବରେ ପୀଡିତ ରହିଛନ୍ତି । ବିଶ୍ବ ସ୍ବାସ୍ଥ୍ୟ ସଙ୍ଗଠନର ସରକାରୀ ତଥ୍ୟ ଅନୁଯାୟୀ, ବିଶ୍ବ ଜନ ସଂଖ୍ୟାର ପ୍ରାୟ ଏକ ତୃତୀୟାଂଶ ଲୋକ ପର୍ଯ୍ୟାପ୍ତ ପରିମାଣର ଜିଙ୍କ ଖାଉ ନାହାଁନ୍ତି। ବ୍ୟାପକ ଜିଙ୍କ ଅଭାବର ଏକ ମୁଖ୍ୟ କାରଣ ହେଉଛି ଯେ ପ୍ରୋଟିନ୍ ପରି ଆମ ଶରୀର ମଧ୍ୟ ଏହି ପୁଷ୍ଟିକର ଖାଦ୍ୟ ସଂରକ୍ଷଣ କରିପାରିବ ନାହିଁ । ତେଣୁ ଜଣେ ବ୍ୟକ୍ତିଙ୍କୁ ନିୟମିତ ଭାବରେ ଜିଙ୍କ ଆବଶ୍ୟକତା ପୂରଣ କରିବାକୁ ପଡିବ ।
ମାଂସ
ପଶୁ ଭିତ୍ତିକ ଖାଦ୍ୟ ହେଉଛି ଜିଙ୍କର ସର୍ବୋତ୍ତମ ଉତ୍ସ । ମାଂସ ଚାର୍ଟର ଶୀର୍ଷରେ ରହିଛି, ଲାଲ ମାଂସ, ବିଶେଷ ଭାବରେ, ଏହି ପୁଷ୍ଟିକର ଏକ ଉତ୍ତମ ଉତ୍ସ । ଏଥିରେ ଭିଟାମିନ୍ B12 ମଧ୍ୟ ରହିଛି । ଯାହା ଉଦ୍ଭିଦ ଭିତ୍ତିକ ଖାଦ୍ୟ ପଦାର୍ଥରେ ମିଳି ପାରେନାହିଁ । ତଥାପି, ମାଂସ କୋଲେଷ୍ଟ୍ରଲ ଏବଂ ଚର୍ବିରେ ମଧ୍ୟ ଭରପୂର ଏବଂ ଏହାକୁ ଅଧିକ ଖାଇବା ଆପଣଙ୍କ ହୃଦୟ ସ୍ୱାସ୍ଥ୍ୟ ପାଇଁ ବିପଦଜନକ ହୋଇପାରେ । 100 ଗ୍ରାମ କଞ୍ଚା ମଟନରେ 4.8 ମିଲି ଗ୍ରାମ ଜିଙ୍କ ରହିଥାଏ ।
କୁକୁଡା ମାଂସ
ଚିକେନ୍ ପତଳା ପ୍ରୋଟିନର ଏକ ଉତ୍କୃଷ୍ଟ ଉତ୍ସ । ଯାହା ମାଂସପେଶୀ ବୃଦ୍ଧି ଏବଂ ବିକାଶରେ ସହାୟକ ହୋଇଥାଏ । କିନ୍ତୁ ଆମ ମଧ୍ୟରୁ ଅନେକେ ଜାଣନ୍ତି ନାହିଁ ଯେ ଏହା ଜିଙ୍କରେ ମଧ୍ୟ ଭରପୂର ରହିଥାଏ । ନିୟମିତ ଭାବରେ ଚିକେନ୍ ଖାଇବା ଆପଣଙ୍କ ହାଡ, ହୃଦୟ ସ୍ୱାସ୍ଥ୍ୟ ଏବଂ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ । 85 ଗ୍ରାମ ଚିକେନରେ 2.4 ମିଲିଗ୍ରାମ ଜିଙ୍କ ରହିଥାଏ ।
ଡାଲି ଜାତୀୟ ଶସ୍ୟ
ଯଦି ଆପଣ ଉଦ୍ଭିଦ-ଭିତ୍ତିକ ଖାଦ୍ୟ ଖୋଜୁଛନ୍ତି ଯେଉଁଥିରେ ବହୁ ପରିମାଣର ଜିଙ୍କ ଅଛି । ତେବେ ଆପଣଙ୍କ ଖାଦ୍ୟରେ ଡାଲି ଜାତୀୟ ଶସ୍ୟ ଏବଂ ଶସ୍ୟ ମଞ୍ଜି ନିଶ୍ଚିତ ମିଶାନ୍ତୁ । ଏହାଦ୍ବାରା ଚର୍ବି, କ୍ୟାଲୋରୀରେ କମ୍ ଏବଂ ପ୍ରୋଟିନ୍ ଏବଂ ଫାଇବର ପରି ଅନ୍ୟାନ୍ୟ ଜରୁରୀ ପୋଷକ ତତ୍ତ୍ୱ ଧାରଣ କରିଥାଏ ।
164 ଗ୍ରାମ ଶସ୍ୟରେ 2.5 ମିଲିଗ୍ରାମ ଜିଙ୍କ ରହିଥାଏ
100 ଗ୍ରାମ ମସୁର ଡାଲିରେ 4.78 ମିଲିଗ୍ରାମ ରୁ 1.27 ମିଗ୍ରା ଜିଙ୍କ ରହିଥାଏ
180 ଗ୍ରାମ ବିନ୍ସରେ 5.1 ମିଲିଗ୍ରାମ ଜିଙ୍କ ରହିଥାଏ
କାଜୁ
କାଜୁ ସବୁଠୁ ଲୋକପ୍ରିୟ ଏବଂ ସୁଲଭ ବାଦାମ । ସେଥିରେ ଜିଙ୍କ, ଭିଟାମିନ୍ କେ, ଭିଟାମିନ୍ ଏ ଏବଂ ଫୋଲେଟ୍ ରହିଥାଏ । ଏହି ବାଦାମ ଫ୍ୟାଟି ଏସିଡର ଏକ ବଡ଼ ଉତ୍ସ । ଯାହା ହାର୍ଟରେ ଚର୍ବି ଏବଂ କୋଲେଷ୍ଟ୍ରଲ ତିଆରି ହ୍ରାସ କରିବାରେ ସାହାଯ୍ୟ କରିଥାଏ । ଏହାକୁ ନିୟମିତ ଖାଇବା ଦ୍ୱାରା ଆପଣଙ୍କ ରକ୍ତଚାପ ମଧ୍ୟ ନିୟନ୍ତ୍ରଣରେ ରହିଥାଏ । 28 ଗ୍ରାମ କାଜୁରେ 1.6 ମିଗ୍ରା ଜିଙ୍କ ଥାଏ ।
ଓଟ୍ସ
ଓଟସ୍ ହେଉଛି କ୍ଲାସିକ୍ ଜଳଖିଆ । ଲୋକମାନେ ଓଟ ମିଲକୁ ପସନ୍ଦ କରିବାର ଗୋଟିଏ କାରଣ ହେଉଛି ଏହା ଏକ ପୁଷ୍ଟିକର ଘନ ଖାଦ୍ୟ । ଫାଇବର, ବିଟା-ଗ୍ଲୁକାନ୍, ଭିଟାମିନ୍ ବି 6 ଏବଂ ଫୋଲେଟ୍ ସହିତ ଲୋଡ୍ ହୋଇଥିବା ଓଟସ୍ କୋଲେଷ୍ଟ୍ରୋଲ୍ ସ୍ତରକୁ ନିୟନ୍ତ୍ରଣ କରିଥାଏ । ଏହାସହ ଅନ୍ତସ୍ଥଳୀରେ ଭଲ ବ୍ୟାକ୍ଟେରିଆର ବୃଦ୍ଧିକୁ ପ୍ରୋତ୍ସାହିତ କରିଥାଏ । ଆପଣଙ୍କ ଖାଦ୍ୟରେ ଓଟ୍ସ ଯୋଡିବାର ଅନ୍ୟ ଏକ କାରଣ ହେଉଛି ଏଥିରେ ରହିଛି ଭରପୁର ଜିଙ୍କ । ଅଧା ପାତ୍ରରେ ଓଟରେ 1.3 ମିଲିଗ୍ରାମ ଜିଙ୍କ ରହିଥାଏ ।
ମଶୁରୁମ ବା ଛତୁ
ଯଦି ତୁମେ ତୁମର ଖାଦ୍ୟରେ ଜିଙ୍କ ଯୋଗ କରିବାକୁ ଚାହୁଁଛ । ତେବେ ତୁମ ଡାଏଟରେ ଛତୁ ଅନ୍ତର୍ଭୁକ୍ତ କରିବା ନିହାତି ଜରୁରୀ । ଭିଟାମିନ୍ ଏ, ସି, ଇ ଏବଂ ଆଇରନ ପରି ଅତ୍ୟାବଶ୍ୟକ ପୋଷକ ତତ୍ତ୍ୱ ସହିତ ଭରି ରହିଛି ଏହି
ଖାଦ୍ୟ । 210 ଗ୍ରାମ ଛତୁରେ 1.2 ମିଲିଗ୍ରାମ ଜିଙ୍କ ଥାଏ ।
ଡାର୍କ ଚକୋଲେଟ
ଯଦି ଆପଣଙ୍କୁ ମିଠା ପସନ୍ଦ ତେବେ ଆପଣଙ୍କ ଡାଏଟରେ ସାମିଲ କରନ୍ତୁ ଡାର୍କ ଚକୋଲେଟ୍ । ଏଥିରେ ଜିଙ୍କ ଭରପୁର ରହିଥାଏ । ଡାର୍କ ଚକୋଲେଟରେ ଫ୍ଲାଭାନୋଲ ମଧ୍ୟ ଥାଏ, ଯେଉଁଥିରେ ରକ୍ତଚାପ ପରିଚାଳନା, ରକ୍ତ ପ୍ରବାହରେ ଉନ୍ନତି ଏବଂ ରୋଗ ପ୍ରତିରୋଧକ ଶକ୍ତି ବୃଦ୍ଧି ଭଳି କିଛି ଭାସ୍କୁଲାର ଲାଭ ରହିଛି । 100 ଗ୍ରାମ ଡାର୍କ ଚକୋଲେଟର 3.3 ମିଲିଗ୍ରାମ ଜିଙ୍କ ରହିଥାଏ ।
