74 ଦିନିଆ ତାଲାବନ୍ଦ, ସଂକ୍ରମଣ ପରେ ସିଲ ହୋଇଛି 10 କେନ୍ଦ୍ରୀୟ ଅଟ୍ଟାଳିକା

ଗତ 74 ଦିନ ମଧ୍ୟରେ ବିଭିନ୍ନ କେନ୍ଦ୍ରୀୟ ଅଫିସରେ କିଛି କର୍ମଚାରୀ ପଜିଟିଭି ଚିହ୍ନଟ ହୋଇଥିଲେ। ଯାହାକୁ ନେଇ ଲକଡାଉନର 67 ଦିନ ଓ ଅନଲକ 1.0 ର 6 ଦିନ ମଧ୍ୟରେ ରାଜଧାନୀ ଦିଲ୍ଲୀରେ 10ଟି ସେଣ୍ଟ୍ରାଲ ବିଲ୍ଡିଂ ସିଲ କରାଯାଇଛି।

ନୂଆଦିଲ୍ଲୀ: କୋରୋନା କହରରେ ବଳି ପଡୁଛି କି ଧନୀ କି ଗରିବ। କାହାକୁ ଛାଡୁନି ଏହି ଅଦୃଶ୍ୟ ମହାମାରୀ। ଯେଉଁଥିପାଇଁ ସଚ୍ଚିବାଳୟରୁ କାର୍ଯ୍ୟାଳୟ ଓ ଦେବାଳୟରୁ ସଂଗ୍ରହାଳୟ ସବୁ କିଛିକୁ ବନ୍ଦ କରାଯାଇଥିଲା। ହେଲେ ଅନଲକ 1.0ରେ ସେ ସବୁକୁ ଧୀରେ ଖୋଲାଯାଇ ପରିସ୍ଥିତି ସହ ଖାପ ଖୁଆଇ ଚଳିବାକୁ ପଡୁଛି।

ତେବେ ଗତ 74 ଦିନ ମଧ୍ୟରେ ବିଭିନ୍ନ କେନ୍ଦ୍ରୀୟ ଅଫିସରେ କିଛି କର୍ମଚାରୀ ପଜିଟିଭି ଚିହ୍ନଟ ହୋଇଥିଲେ। ଯାହାକୁ ନେଇ ଲକଡାଉନର 67 ଦିନ ଓ ଅନଲକ 1.0 ର 6 ଦିନ ମଧ୍ୟରେ ରାଜଧାନୀ ଦିଲ୍ଲୀରେ 10ଟି ସେଣ୍ଟ୍ରାଲ ବିଲଡିଂକୁ ସିଲ କରାଯାଇଛି।