ବେଙ୍ଗାଲୁରୁ: କର୍ଣ୍ଣାଟକର ବିଜୟାନଗର ହୋସପେଟର ଏକ ଘରୋଇ ହସ୍ପିଟାଲରେ ଘଟିଛି ଏକ ଆଶ୍ଚର୍ଯ୍ୟ ଜନକ ଘଟଣା । ଜଣେ ମହିଳା ପାଦରେ 9ଟି ଆଙ୍ଗୁଠି ଥିବା ଏକ ଶିଶୁକୁ ଜନ୍ମ ଦେଇଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା । ଶିଶୁଟିର ବାମ ଗୋଡରେ 9ଟି ଆଙ୍ଗୁଠି ଥିବା ବେଳେ ଡାହାଣ ଗୋଡରେ ସାଧାରଣ ପିଲାଙ୍କ ପରି 5ଟି ଆଙ୍ଗୁଠି ରହିଛି ।
ତେବେ ଉଭୟ ମା ଓ ଶିଶୁ ସୁସ୍ଥ ଥିବା ଜଣାପଡିଛି । ମହିଳା ଜଣଙ୍କ ହୋସପେଟ୍ ତାଲୁକର ବାସିନ୍ଦା । ଏନେଇ ହସ୍ପିଟାଲର ଡାକ୍ତର ବାଲାଚନ୍ଦ୍ର କହିଛନ୍ତି ଯେ ନଅ ଆଙ୍ଗୁଠି ବିଶିଷ୍ଠ ଶିଶୁର ଜନ୍ମ ଅତ୍ୟନ୍ତ ବିରଳ ଓ ଆଶ୍ଚର୍ଯ ଜନକ ମଧ୍ୟ । ଶିଶୁଟିଏ ଜନ୍ମ ହେବା ପୂର୍ବରୁ ତାହାର କେତେଟା ଆଙ୍ଗୁଠି ରହିବ ଆମେ ଜନ୍ମ ହେବା ପୂର୍ବରୁ ଜାଣିପାରୁନାହୁଁ । ଜନ୍ମ ପରେ ଶିଶୁଟିର କେତେ ଆଙ୍ଗୁଠି ଅଛି ତାହା ଜଣା ପଡିଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
