ପାଟନା: ବିହାର ପୁର୍ଣ୍ଣିଆରେ ଏକ ଅସାଧାରଣ ଶିଶୁ ଜନ୍ମ ନେଇଛି (Baby borned with 4 legs and hands in Bihar) । ଏହି ଶିଶୁର ମସ୍ତିଷ୍କ ଯାହାର ସାଧାରଣ ଶିଶୁଙ୍କ ମସ୍ତିଷ୍କଠାରୁ ୨ ଗୁଣା ବଡ଼ ହୋଇଥିବା ବେଳେ ୪ଟି ଗୋଡ଼ ଓ ୪ଟି ହାତ ରହିଛି । ମହିଳାଙ୍କ ନିର୍ଦ୍ଦିଷ୍ଟ ସମୟ ପୂର୍ବରୁ ଡେଲିଭରି ହୋଇଥିବା ବେଳେ ଏହି ଅସାଧାରଣ ଶିଶୁକୁ ଦେଖିବା ଲାଗି ବୈସା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର (Baisa Community Health Center )ରେ ଭିଡ଼ ଜମିଥିଲା । କେହି କେହି ଏହି ଶିଶୁକୁ ଚମତ୍କାର ଶିଶୁ ମଧ୍ୟ କହୁଛନ୍ତି ।
ଶିଶୁର ୪ଟି ଲେଖାଏଁ ହାତଗୋଡ଼:-
ଏହି ନବଜାତ ଶିଶୁର ଚାରି ଗୋଡ, ଚାରି ହାତ ଏବଂ ସମାନ ମୁଣ୍ଡ, ପାଟି, ଆଖି ଏବଂ ନାକ ଉଭୟ ପାର୍ଶ୍ବରେ ଅଛି, ଯାହା ସାଧାରଣ ପିଲାମାନଙ୍କ ତୁଳନାରେ ୨ ଗୁଣ ବଡ ଥିଲା । ଡାକ୍ତର କହିଛନ୍ତି ଯେ ଶିଶୁର ଅନେକ ଅଙ୍ଗ ଗୋଟିଏ ମାତ୍ର ଅଛି । ଏକ ଚମତ୍କାର ଶିଶୁ ଜନ୍ମ ହେବାର ଖବର ଶୁଣି ବହୁ ଲୋକ ନବଜାତକୁ ଦେଖିବା ପାଇଁ ଡାକ୍ତରଖାନାରେ ଭିଡ ଜମାଇଥିଲେ । ତେବେ ଜନ୍ମର କିଛି ସମୟ ପରେ ଶିଶୁଟିର ମୃତ୍ୟୁ ହୋଇଥିଲା ।
କଣ କହୁଛନ୍ତି ଡାକ୍ତର ?
ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଡାକ୍ତର ମନୋଜ କୁମାର କହିଛନ୍ତି ଯେତେବେଳେ ଶୁକ୍ରାଣୁ (Sperm) ଓ ଡିମ୍ବାଣୁ (Egg)ଙ୍କ ମଧ୍ୟରେ ଫ୍ୟୁଜନ ହୋଇଥାଏ ସେତେବେଳେ ନ୍ୟୁଟ୍ରିସନ ବା ଅନ୍ୟ କାରଣ ଯୋଗୁଁ ଏପରି ଶିଶୁ ଜନ୍ମ ନେଇଥାନ୍ତି । ସେପଟେ ଗ୍ରାମବାସୀ କହିଛନ୍ତି ଏଭଳି ଅଦ୍ଭୁତ ଶିଶୁର ଜନ୍ମ ହେବା ଶୁଣି ସେମାନେ ସ୍ବାସ୍ଥ୍ୟକେନ୍ଦ୍ରକୁ ଆସିଥିଲେ । ମାତ୍ର ଶିଶୁଟିର ମୃତ୍ୟୁ ଘଟିଛି ।
ସୂଚନା ଥାଉ କି ଗୋଟିଏ ଦିନ ପୂର୍ବରୁ ବିହାରର ଔରଙ୍ଗାବାଦରେ ଏକ ପ୍ଲାଷ୍ଟିକ୍ ଶିଶୁ ଜନ୍ମ ହୋଇଥିଲା । ଏହାକୁ କୋଲୋଡିଅନ୍ ଶିଶୁ ଭାବରେ ମଧ୍ୟ କୁହନ୍ତି । ବିଶ୍ବରେ ଜନ୍ମ ନେଉଥିବା ୧୧ ଲକ୍ଷ ଶିଶୁଙ୍କ ମଧ୍ୟରୁ କୋଲୋଡିଅନ୍ ଶିଶୁ ଜନ୍ମ ନିଅନ୍ତି । ଏହା ଏକ ଜେନେଟିକ୍ ବ୍ୟାଧି ।
