ମୁମ୍ବାଇ: କ୍ରୁଜ ଡ୍ରଗ୍ସ ପାର୍ଟି ମାମଲାରେ କୋର୍ଟରୁ ସର୍ତ୍ତମୂଳକ ଜାମିନ ପାଇଛନ୍ତି ଆର୍ଯ୍ୟନ ଖାନ । ସର୍ତ୍ତ ଆଧାରରେ ଆର୍ଯ୍ୟନ ପ୍ରତି ଶୁକ୍ରବାର ଏନସିବି ଅଫିସରେ ହାଜର ହେବେ । ଏହି ପରିପ୍ରେକ୍ଷୀରେ ଗତକାଲି(ଶୁକ୍ରବାର) ସେ ନଭି ମୁମ୍ବାଇ ସ୍ଥିତ ଏନସିବିରେ ହାଜର ହୋଇଛନ୍ତି । ଆର୍ଯ୍ୟନ ଅପରାହ୍ନ ୫ ଟାରେ ଜେରା ପାଇଁ ପହଞ୍ଚି ଥିବାବେଳେ ରାତି ପ୍ରାୟ ୧ଟା ସମୟରେ ଏନସିବି ଅଫିସରୁ ବାହାରିଛନ୍ତି । ଏନସିବିର ସ୍ପେଶାଲ ଟିମ୍ ତାଙ୍କୁ ୭ ଘଣ୍ଟା ଧରି ପଚରାଉଚରା କରିଥିବା ଜଣାପଡିଛି ।
ବଡ କଥା ହେଉଛି, ଆଜି ଆର୍ଯ୍ୟନଙ୍କ ୨୪ତମ ଜନ୍ମଦିନ ଅଟେ । ମୁଖ୍ୟତଃ ରାତି ପୂର୍ବଦିନ ରାତି ୧୨ଟାରୁ ଜନ୍ମଦିନ ପାଳନ କରାଯାଉଥିବାବେଳେ ଏନସିବି ଟିମ୍ ଗତକାଲି ଅପରାହ୍ନ ୫ଟାରୁ ଦୀର୍ଘ ୭ ଘଣ୍ଟା ଧରି ତାଙ୍କୁ ଜେରା କରିଥିଲେ ଏବଂ ସେ ରାତି ୧ଟାରେ ବାହାରିଥିଲେ । କ୍ରୁଜ ଡ୍ରଗ୍ସ ପାର୍ଟି ମାମଲା ସମ୍ବନ୍ଧରେ ତାଙ୍କୁ ପଚରାଉଚରା କରାଯାଇଥିଲା ।
ଉଲ୍ଲେଖଯୋଗ୍ୟ, କୋର୍ଟଙ୍କ ସର୍ତ୍ତ ଆଧାରରେ ଗତ ସପ୍ତାହରେ ମଧ୍ୟ କିଙ୍ଗ ଖାନଙ୍କ ପୁଅ ଆର୍ଯ୍ୟନ ଏନସିବି ଅଫିସରେ ହାଜର ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
