ଚଣ୍ଡିଗଡ: ପଞ୍ଜାବରେ ସରକାର ଗଠନ ପୂର୍ବରୁ ଶକ୍ତି ପ୍ରଦର୍ଶନ କରିଛି ଆମ ଆଦମି ପାର୍ଟି (AAP) । ଆଜି ଅମୃତସରରେ ପହଞ୍ଚିଥିବା ପାର୍ଟି ମୁଖ୍ୟ ଅରବିନ୍ଦ କେଜ୍ରିଓ୍ବାଲ ଓ ଆଗାମି ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ ଏକ ବିଶାଳ ରୋଡ ସୋ ମଧ୍ୟ କରିଛନ୍ତି । ଚଳିତ ନିର୍ବାନଚରେ ଦଳ ହାସଲ କରିଥିବା ଐତିହାସିକ ବିଜୟକୁ ପାଳନ କରିବା ପାଇଁ ପାର୍ଟି ମୁଖ୍ୟ କେଜ୍ରିଓ୍ବାଲ ଆଜି ପଞ୍ଜାବ ଗସ୍ତ କରିଥିବାବେଳେ ତାଙ୍କୁ ଭବ୍ୟ ସ୍ବାଗତ କରିଥିଲେ ଦଳର ଆଗାମୀ ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ।
-
#WATCH Punjab CM designate Bhagwant Mann and AAP national convener Arvind Kejriwal visit Golden Temple in Amritsar#Punjab pic.twitter.com/OyYlg9YB15
— ANI (@ANI) March 13, 2022 " class="align-text-top noRightClick twitterSection" data="
">#WATCH Punjab CM designate Bhagwant Mann and AAP national convener Arvind Kejriwal visit Golden Temple in Amritsar#Punjab pic.twitter.com/OyYlg9YB15
— ANI (@ANI) March 13, 2022#WATCH Punjab CM designate Bhagwant Mann and AAP national convener Arvind Kejriwal visit Golden Temple in Amritsar#Punjab pic.twitter.com/OyYlg9YB15
— ANI (@ANI) March 13, 2022
ପରେ ଉଭୟ ନେତା ସ୍ବର୍ଣ୍ଣ ମନ୍ଦିର ଯାଇ ଦର୍ଶନ ଓ ପ୍ରାର୍ଥନା ମଧ୍ୟ କରିଥିଲେ। ରୋଡ ସୋରେ ଅଂଶଗ୍ରହଣ କରିବା ପାଇଁ ହଜାର ହଜାର କର୍ମୀ ଓ ସମର୍ଥକ ମଧ୍ୟ ଅମୃତସରରେ ଏକାଠି ହୋଇଥିବା ଦେଖିବାକୁ ମିଳିଥିଲା । ଉଭୟ ନେତା ରୋଡ ସୋରେ ପଞ୍ଜାବବାସୀଙ୍କ ଅଭିବାଦନ ଗ୍ରହଣ କରିବା ସହ ଜନାଦେଶ ପାଇଁ ଧନ୍ୟବାଦ ମଧ୍ୟ ଦେଇଥିଲେ।
ମତଦାନ ପୂର୍ବରୁ ମୁଖ୍ୟମନ୍ତ୍ରୀ ଭାବେ ଭଗଓ୍ବନ୍ତ ମାନଙ୍କ ନାମ ଘୋଷଣା ସାରିଥିଲା ଦଳ । ମାନ ମଧ୍ୟ ପ୍ରାୟ 85 ହଜାର ଭୋଟ ବ୍ୟବଧାନରେ ପଞ୍ଜାବର ଧୁରୀ ଆସନରୁ ନିର୍ବାଚିତ ହୋଇଥିଲେ । ସାମ୍ବିଧାନିକ ପରମ୍ପରା ଭାବେ ଗତକାଲି ସେ ମଧ୍ୟ ରାଜ୍ୟପାଳଙ୍କୁ ଭେଟି ସରକାର ଗଠନ ନେଇ ଦାବି ମଧ୍ୟ କରିଥିଲେ । 16 ତାରିଖରେ ନୂଆ ସରକାରର ଶପଥ ଗ୍ରହଣ ସମାରୋହ ଅନୁଷ୍ଠିତ ହେବା ନେଇ ଆଶା କରାଯାଉଛି ।
ତେବେ ରାଜଭବନରେ ଶପଥ ଗ୍ରହଣ ସମାରୋହ ହେବା ପରିବର୍ତ୍ତେ ମହାନ କ୍ରାନ୍ତିକାରୀ ସ୍ବାଧୀନତା ସଂଗ୍ରାମୀ ଭଗତ ସିଂଙ୍କ ଜନ୍ମସ୍ଥାନ ଖାତକର କଲନରେ ଶପଥ ନେବ ମାନ ସରକାର । ତଳିଚ ନିର୍ବାଚନରେ ପଞ୍ଜାବରେ କ୍ଷମତାସୀନ କଂଗ୍ରେସ ସମେତ ବିଜେପି ଓ ଅନ୍ୟ ଦଳଙ୍କୁ ମୂଳପୋଛ କରିବା ସହ ଐତିହାସିକ ଭାବେ ପ୍ରଚଣ୍ଡ ବହୁମତ ପାଇଛି ଆମ ଆଦମୀ ପାର୍ଟି । ମୋଟ 117 ବିଧାନସଭା ଆସନରୁ 92ଟି ଆସନରେ ବିଜୟୀ ହୋଇ ଏକକ ସଂଖ୍ୟା ଗରିଷ୍ଠ ସରକାର ଗଠନ କରିବାକୁ ଯାଉଛି ଦଳ ।
ବ୍ୟୁରୋ ରିପୋର୍ଟ, ଇଟିଭି ଭାରତ
