ଉତ୍ତର ପ୍ରଦେଶ: ବିବାହ ଉତ୍ସବରେ ଯୋଗଦେବାକୁ ଆସି ଯବାନଙ୍କ ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି ଉତ୍ତର ପ୍ରଦେଶ ସୋନଭଦ୍ରା ଅଞ୍ଚଳରେ । ମଙ୍ଗଳବାର ରାତିରେ ବିବାହ ଉତ୍ସବରେ ଯୋଗଦେବା ପାଇଁ ଯବାନ ଦିନାରାମ ଯାଦବ ରାବଟସଗଞ୍ଜର ବ୍ରହ୍ମନଗରରେ ଅବସ୍ଥିତ ଗେଷ୍ଟ ହାଉସରେ ପହଞ୍ଚିଥିଲେ । ସେହି ସମୟରେ ହର୍ଷ ଗୁଳି ବାଜିବା ଦ୍ବାରା ସେ ଟଳି ପଡିଥିଲେ । ଏହା ଦେଖି ସ୍ଥାନୀୟ ଲୋକେ ତାଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାକୁ ନେଇଥିଲେ । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ ।
ମୃତ ଜବାନ ଜଣଙ୍କ ରାବଟସଗଞ୍ଜ କୋତୱାଲୀ ଅଞ୍ଚଳର ମହୁରୀ ଗାଁର ବାସିନ୍ଦା ବୋଲି ଜଣାପଡିଛି । ଜରୁରୀକାଳୀନ ପରିସ୍ଥିତିରେ ଉପସ୍ଥିତ ଥିବା ଡାକ୍ତରଙ୍କ ସୂଚନାରେ ପୋଲିସ ଜିଲ୍ଲା ହସ୍ପିଟାଲରେ ପହଞ୍ଚିଥିଲା । ଅତିରିକ୍ତ ଏସପି ବିନୋଦ କୁମାର, ସିଓ ସିଟି ରାଜକୁମାର ତିୱାରୀ କୋତୱାଲ ଦୀନେଶ ପାଣ୍ଡେ ମଧ୍ୟ ସେନା ସୈନିକଙ୍କ ମୃତ୍ୟୁ ଖବର ପାଇ ଘଟଣାସ୍ଥଳରେ ପହଞ୍ଚିଥିଲେ। । ଯବାନଙ୍କ ମୃତଦେହ ପୋଷ୍ଟମର୍ଟମ ପାଇଁ ପଠାଯିବା ସହ ପୋଲିସ ସବୁ ଦିଗରୁ ଯାଞ୍ଚ କରୁଛି କରୁଛି ବୋଲି ସୂଚନା ମିଳିଛି ।
