ଆନ୍ଧ୍ର ନକ୍ସାରେ ଯୋଡି ହେଲା 13 ନୂଆ ଜିଲ୍ଲା

ଆନ୍ଧ୍ରପ୍ରଦେଶ ମାନଚିତ୍ରରେ ଯୋଡି ହେଲା ଆଉ 13 ନବଗଠିତ ଜିଲ୍ଲା । ଆଜି ଭିଡିଓ କନଫରେନ୍ସି ଜରିଆରେ (ସୋମବାର) ୧୩ ନୂଆ ଜିଲ୍ଲାକୁ ଉଦଘାଟନ କରିଛନ୍ତି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡି । ଅଧିକ ପଢନ୍ତୁ

ଅମରାବତୀ: ଆନ୍ଧ୍ରପ୍ରଦେଶ ମାନଚିତ୍ରରେ ଯୋଡି ହେଲା ଆଉ 13 ନବଗଠିତ ଜିଲ୍ଲା । ଆଜି (ସୋମବାର) ସରକାରୀ ଭାବେ ଏହି ନୂତନ ଜିଲ୍ଲା ଗୁଡିକ ରାଜ୍ୟ ମାନଚିତ୍ରରେ ସ୍ଥାନିତ କରାଯାଇଛି । ଆଜି ଗୁଣ୍ଟୁର ଜିଲ୍ଲା ତାଡେପଲ୍ଲୀରୁ ଭିଡିଓ କନଫରେନ୍ସି ଜରିଆରେ ନୂଆ ୧୩ ଜିଲ୍ଲା ଗଠନ କରିଛନ୍ତି ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡି । ଏହାକୁ ମିଶାଇ ରାଜ୍ୟରେ ମୋଟ ଜିଲ୍ଲା ସଂଖ୍ୟା 26କୁ ବୃଦ୍ଧି ପାଇଛି ।

ଆନ୍ଧ୍ର ମାନଚିତ୍ରରେ ଯୋଡି ହେଲା 13 ନୂଆ ଜିଲ୍ଲା

ବିଜୟନଗରମ, ବିଶାଖାପଟ୍ଟନମ, ପୂର୍ବ ଗୋଦାବରୀ, ପଶ୍ଚିମ ଗୋଦାବରୀ, ଗୁଣ୍ଟୁର, କୁର୍ଣ୍ଣଲ, ଅନନ୍ତପୁର, ଚିତ୍ତୋର,କଡପା ଏବଂ କ୍ରିଷ୍ଣା ଜିଲ୍ଲାର ବିଭାଜନ ହୋଇ ନୂଆ ଜିଲ୍ଲା ସୃଷ୍ଟି ହୋଇଛି । ନବଗଠିତ ଜିଲ୍ଲାଗୁଡିକରେ ଏସପି ଜିଲ୍ଲାପାଳଙ୍କ ସମେତ ଅନ୍ୟ ଆଇଏସ ଓ ଆଇପିଏସଙ୍କ ନିଯୁକ୍ତି ନିଷ୍ପତ୍ତି ମଧ୍ୟ ନିଆଯାଇଛି ।

ନଜର ପକାନ୍ତୁ ଆନ୍ଧ୍ରର ସମସ୍ତ ଜିଲ୍ଲା ଉପରେ...

• ଶ୍ରୀକାକୁଲମ
• ପାର୍ବତୀପୁରମ୍ ମାନ୍ୟମ୍
• ବିଜୟନଗରମ
• ବିଶାଖାପଟନମ
• ଅଲ୍ଲୁରି
• ଅନାକାପାଲ୍ଲି
• ପୂର୍ବ ଗୋଦାବରୀ
• କାକିନଡା
• କୋନାସୀମା
• ଇଲ୍ଲୁରୁ
• ପଶ୍ଚିମ ଗୋଦାବରୀ
• ଏନଟିଆର ଜିଲ୍ଲା
• କ୍ରିଷ୍ଣା
• ଗୁଣ୍ଟୁର
• ବାପାଟଲା
• ପାଲାନ୍ଦୁ
• ପ୍ରକାଶମ
• ପୋଟି ଶ୍ରୀରମୁଲୁ
• ତିରୁପତି
• ଚିତ୍ତୋର
• ଅନ୍ୟାମାୟା
• କାଡାପା
• ଅନ୍ନନ୍ତାପୁରମ
• ଶ୍ରୀ ସତ୍ୟ ସାଇ
• ନନ୍ଦୟାଲ
• କୁର୍ଣ୍ଣୁଲ

କେଉଁ ଜିଲ୍ଲାରେ କେଉଁ ଜିଲ୍ଲାପାଳ ଓ ଏସପି ରହିବେ ଏ ନେଇ ରାଜ୍ୟ ସରକାର ବିବରଣୀ ଜାରି କରି ସାରିଛନ୍ତି । ବିଶାଖାପଟନମ ଜିଲ୍ଲା ୩ ଭାଗ ହୋଇ ଅନକପଲ୍ଲି ଏବଂ ଅଲ୍ଲୁରି ସୀତାରାମ ନାମକ ଦୁଇଟି ଜିଲ୍ଲା ହୋଇଛି । ସେହିପରି ପଶ୍ଚିମ ଗୋଦାବରୀ ୨ ଭାଗ ହୋଇ କାକିନଡା ଏବଂ କୋନସୀମା ନାମକ ୨ଟି ଜିଲ୍ଲା ଗଠନ ହୋଇଛି । ଗୁଣ୍ଟୁର ଜିଲ୍ଲାରୁ ପାଲାନାଡୁ ଏବଂ ବାପତ୍ଲା ନାମକ ଜିଲ୍ଲା ଗଠନ ହୋଇଛି ।

ଆନ୍ଧ୍ରପ୍ରଦେଶ ୨୦୧୪ରେ ଦୁଇଟି ଅଲଗା ରାଜ୍ୟ ଭାବେ ବିଭକ୍ତ ହୋଇଥିଲା । ତେଲେଙ୍ଗାନା ଭାବେ ନୂଆ ରାଜ୍ୟ ଗଢି ଉଠିଥିଲା । ସେବେଠୁ ଆନ୍ଧ୍ରର ଜିଲ୍ଲାକୁ ଭାଗ ଭାଗ କରାଯାଇନଥିଲା । ତେବେ ପ୍ରଶାସନିକ କାର୍ଯ୍ୟକଳାପ ସହଜ ପାଇଁ ମୁଖ୍ୟମନ୍ତ୍ରୀ ଜଗନ ଏବେ ୧୩ଟି ଜିଲ୍ଲାକୁ ୨୬ଟିରେ ବଦଳାଇବାକୁ ନିଷ୍ପତ୍ତି ନେଇଛନ୍ତି । ଚଳିତବର୍ଷ ଜାନୁଆରୀରୁ ପ୍ରକ୍ରିୟା ଆରମ୍ଭ କରିଥିଲେ ଆନ୍ଧ୍ର ସରକାର ।

@ANI