ସାନ ଫ୍ରାନ୍ସିସ୍କୋ: ବ୍ରିଟେନରେ ଅବସ୍ଥିତ ଅନଲାଇନ୍ ବୁକ୍ ଷ୍ଟୋର 'ବୁକ୍ ଡିପୋଜିଟରୀ'କୁ ବନ୍ଦ କରିବାକୁ ଘୋଷଣା କରିଛି ଆମାଜନ । 2011ରେ ଆମାଜନ ଅଧିଗ୍ରହଣ କରିଥିବା ଏହି ସୁବିଧାକୁ ଏପ୍ରିଲ୍ 26ରେ ବନ୍ଦ କରିବାକୁ ନିଷ୍ପତ୍ତି ନେଇଛି । ଆମାଜନ୍ ଏହି ଘୋଷଣା କରିବା ପରେ ଏହାର ଡିଭାଇସ୍ ଏବଂ ବହି ବ୍ୟବସାୟରେ ଅନେକ ସୁବିଧା ହଟାଇବାକୁ ନିଷ୍ପତ୍ତି ନେଇଥିବା ଜଣାପଡିଛି।
- https://www.etvbharat.com/hindi/delhi/science-and-technology/amazon-to-shut-down-online-bookstore-book-depository-on-april-26/na20230405155144412412788
ଏକ ରିପୋର୍ଟରେ ଦର୍ଶାଯାଇଛି ଯେ ଆମାଜନର ପୂର୍ବତନ କର୍ମଚାରୀ ଷ୍ଟୁଆର୍ଟ ଫେଲଟନ୍ ଏବଂ ଏଡ୍ରେୟୁ କ୍ରୋଫୋର୍ଡ 2004ରେ ବୁକ୍ ଡିପୋଜିଟୋରୀ ପ୍ରତିଷ୍ଠା କରିଥିଲେ । ଯାହା କମ୍ ସାଧନରେ ଏହି ସୁବିଧା ଚାଲୁଥିଲା । ତେବେ ଏହି ସୁବିଧାକୁ ଏପ୍ରିଲ୍ 26ରେ ବନ୍ଦ କରିବାକୁ ନିଷ୍ପତ୍ତି ନେଇଛି ଆମାଜନ । ଖବର ଶୁଣି ଦୁଃଖ ପ୍ରକାଶ କରିଛନ୍ତି ଲେଖକ ତଥା ହଜାରହଜାର ବୁକ୍ ଡିପୋଜିଟୋରୀ ଗ୍ରାହକ।
ସେପଟେ ଏନେଇ ଲେଖକଙ୍କ ସମେତ ହଜାର ହଜାର ବୁକ୍ ଡିପୋଜିଟୋରୀ ଗ୍ରାହକ ଏହି ଘୋଷଣାକୁ ନେଇ ଦୁଃଖ ପ୍ରକାଶ କରିଥିବା ଦେଖିବାକୁ ମିଳିଛି। ନ୍ୟୁଜିଲ୍ୟାଣ୍ଡର ଲେଖକ ତଥା କବି ଲାଙ୍ଗ ଲେଭ୍ ଟ୍ୱିଟ୍ କରି କହିଛନ୍ତି, "ଏହି ଖବର ଶୁଣି ଦୁଃଖିତ । ଆମ ସମସ୍ତଙ୍କ ପାଇଁ ଏକ ବଡ କ୍ଷତି ।" ଅନ୍ୟ ଜଣେ ୟୁଜର୍ସ କହିଛନ୍ତି ଯେ 'ମୋର ହୃଦୟ ଭାଙ୍ଗିଗଲା ।'
କମ୍ପାନୀ ବିକ୍ରେତା ଏବଂ ପ୍ରକାଶନ ସହଭାଗୀମାନଙ୍କୁ ଏକ ଇମେଲ୍ ପଠାଇଛି ଯେ ବୁକ୍ ଡିପୋଜିଟରୀ ବନ୍ଦ ହେବ ଏବଂ ଶେଷ ତାରିଖ ଗ୍ରାହକମାନେ ଅର୍ଡର କରିବାକୁ ଏପ୍ରିଲ 26 ଯାଏଁ ସକ୍ଷମ ହେବେ । ଭେଣ୍ଡର ମ୍ୟାନେଜମେଣ୍ଟର ମୁଖ୍ୟ ଆଣ୍ଡି ଚାର୍ଟ କହିଛନ୍ତି, "ଆସନ୍ତା ସପ୍ତାହରେ ଆମେ ମାର୍କେଟପ୍ଲେସ୍ ବିକ୍ରେତା ଭାବରେ ଆମର ତାଲିକା ବନ୍ଦ କରିବା ଏବଂ ଆମର ୱେବସାଇଟ୍ ବନ୍ଦ କରିବା ସହିତ ବ୍ୟବସାୟ ବନ୍ଦ କରିବୁ ।" ସେ ଆହୁରି ମଧ୍ୟ କହିଛନ୍ତି, "ମୁଦ୍ରିତ ପୁସ୍ତକଗୁଡ଼ିକୁ ବିଶ୍ବର ପାଠକମାନଙ୍କ ପାଇଁ ଅଧିକ ଉପଲବ୍ଧ କରାଇବାରେ ଆପଣମାନଙ୍କ ସାହାଯ୍ୟ ପାଇଁ ବୁକ୍ ଡିପୋଜିଟୋରୀ ଏବଂ ଆମର ପୁସ୍ତକପ୍ରେମୀ ଗ୍ରାହକଙ୍କ ତରଫରୁ ଅଶେଷ ଧନ୍ୟବାଦ ଜଣାଉଛି ।
ରିପୋର୍ଟରେ ଦର୍ଶାଯାଇଛି ଯେ ଏହି ପଦକ୍ଷେପ ଆମାଜନରେ ବ୍ୟାପକ ବିସ୍ତାରର ଏକ ଅଂଶ । ଏହି ସମୟରେ, ଆମାଜନ ପ୍ରାୟ 25 ବର୍ଷ କାର୍ଯ୍ୟ କରିବା ପରେ ନିକଟ ଭବିଷ୍ୟତରେ ଏହାର ଗୋ-ଟୁ କ୍ୟାମେରା ସମୀକ୍ଷା ୱେବସାଇଟ୍ 'ଡିଆରପି ରିଭ୍ୟୁ' ବନ୍ଦ କରିବ ବୋଲି ଘୋଷଣା କରିଛି। DPReview.com ର ଜେନେରାଲ୍ ମ୍ୟାନେଜର ସ୍କଟ୍ ଏଭରେଟ୍ କହିଛନ୍ତି ଯେ ଏପ୍ରିଲ୍ 10 ପର୍ଯ୍ୟନ୍ତ ସାଇଟ୍ ସକ୍ରିୟ ରହିବ ଏବଂ ସମ୍ପାଦକୀୟ ଟିମ୍ ଏବେ ବି ସମୀକ୍ଷା ବୈଠକରେ କାର୍ଯ୍ୟ କରୁଛନ୍ତି ଏବଂ କିଛି ଉତ୍ତମ କଣ୍ଟେଣ୍ଟ ଦେବାକୁ ଅପେକ୍ଷା କରିଛନ୍ତି ।
