ନିଜକୁ ଗୁଳି କରି ଆତ୍ମହତ୍ୟା କଲେ ବାୟୁସେନା ଯବାନ

ବିହଟା ସ୍ଥିତ ବାୟୁସେନା କେନ୍ଦ୍ରରେ ଜଣେ ଏୟାରଫୋର୍ସ ଯବାନ ନିଜକୁ ଗୁଳି କରି ଆତ୍ମହତ୍ୟା । ଅଧିକ ପଢନ୍ତୁ...

ପାଟନା: ବିହଟା ସ୍ଥିତ ବାୟୁସେନା କେନ୍ଦ୍ରରେ ଜଣେ ଏୟାରଫୋର୍ସ ଯବାନ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି । ଘଟଣା ସମ୍ପର୍କରେ ଖବର ମିଳିବା ପରେ ଚାଞ୍ଚଲ୍ୟ ଖେଳିଯାଇଛି । ମୃତ ଏୟାରଫୋର୍ସ ଯବାନ ଜଣକ ରାଜସ୍ଥାନର ହୋଇଥିବା ଜଣାପଡିଛି ।

ସୂଚନା ଅନୁଯାୟୀ, ଏୟାରଫୋର୍ସ ଯବାନଙ୍କ ନିଯୁକ୍ତି 2017ରେ ହୋଇଥିଲା । 2018ରୁ ସେ ବିହଟାରେ ହିଁ କାର୍ଯ୍ୟରତ ଥିଲେ । ଘଟଣା ସମ୍ପର୍କରେ ଖବର ପାଇଁ ଏୟାରଫୋର୍ସ ପୋଲିସ ପହଞ୍ଚି ମୃତ ଦେହକୁ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଇଥିଲେ । ମୃତ୍ୟୁ ନେଇ ପରିବାର ଲୋକଙ୍କୁ ଖବର ପଠାଇଯାଇଛି । ତେବେ ବର୍ତ୍ତମାନସୁଦ୍ଧା ଆତ୍ମହତ୍ୟାର କାରଣ ସ୍ପଷ୍ଟ ହୋଇନାହିଁ ।