ବେଙ୍ଗାଲୁରୁ:କର୍ଣ୍ଣାଟକର ହାସନରେ ଭୟଙ୍କର ସଡ଼କ ଦୁର୍ଘଟଣା । ରବିବାର ସକାଳୁ କେନ୍ଚାଟ୍ଟାଲି ନିକଟ ବାଙ୍ଗାଲୋର-ମାଙ୍ଗାଲୋର ରାଜପଥରେ ଟାଟା ସୁମୋ ସହିତ ଏକ କାର ଧକ୍କା ହୋଇଛି । ଦୁର୍ଘଟଣାରେ 4 ଜଣଙ୍କ ମୃତ୍ୟୁ ହୋଇଥିବା ବେଳେ 11 ଗୁରୁତର ଆହତ ହୋଇଛନ୍ତି । ତେବେ ସମସ୍ତ ମୃତକ କୋଲାର ଜିଲ୍ଲା ମୁଲାବାଗିଲୁ ଅଞ୍ଚଳର ବୋଲି ଜଣାପଡିଛି । ମୃତକମାନେ ହେଲେ ସୁନୀଲ କୁମାର (25), ପ୍ରଦୀପ କୁମାର (26), ନବୀନ କୁମାର (25) ଏବଂ ଚନ୍ଦ୍ରଶେଖର (26) । ଗୁରୁତର ଆହତମାନଙ୍କୁ ହାସନର ଜୟଚାମାରାଜେନ୍ଦ୍ର ଡାକ୍ତରଖାନାରେ ଭର୍ତ୍ତି କରାଯାଇଛି।
କର୍ଣ୍ଣାଟକର ହାସନରେ ଭୟଙ୍କର ସଡ଼କ ଦୁର୍ଘଟଣା; 4 ମୃତ, 11 ଗୁରୁତର
ତେବେ ସମସ୍ତେ କୋଲାର ଜିଲ୍ଲାରୁ ଟାଟା ସୁମୋରେ ତୀର୍ଥଯାତ୍ରାରେ ଆସିଥିଲେ । ଅନ୍ୟପଟେ ରାଜପଥର ଭୁଲ ଜାଗାରେ ନିର୍ମାଣଧିନ ହମ୍ପ୍ସ ପାଇଁ ଦୁର୍ଘଟଣା ଘଟିଥିବା କୁହାଯାଉଛି । ଏନେଇ ଥାନାରେ ଏକ ମାମଲା ରୁଜୁ କରି ଟ୍ରାଫିକ ପୋଲିସ ଏବଂ ହାସନ ଏସପି ତଦନ୍ତ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
