ଗୋପାଳଗଞ୍ଜ: ବିହାରର ଗୋପାଳଗଞ୍ଜ ଖଜୁର୍ବାନୀରେ ବହୁ ଚର୍ଚ୍ଚିତ ବିଷାକ୍ତ ମଦ ମୃତ୍ୟୁ ଘଟଣାରେ ବଡ ଦଣ୍ଡାଦେଶର ଶୁଣାଣି । ଏଡିଜେ କୋର୍ଟ ବିଷାକ୍ତ ମଦ ମୃତ୍ୟୁ ମାମଲାରେ ଗୁରୁତ୍ବପୂର୍ଣ୍ଣ ରାୟ ଦେଇ 13 ଅଭିଯୁକ୍ତଙ୍କ ମଧ୍ୟରୁ 9 ଜଣଙ୍କୁ ଫାଶୀ ଦଣ୍ଡ ଶୁଣାଇଛନ୍ତି । ଅନ୍ୟପକ୍ଷେ ମାମଲାରେ ବାକି 4 ଅଭିଯୁକ୍ତ ଆଜୀବନ କାରାଦଣ୍ଡରେ ଦଣ୍ଡିତ ହୋଇଛନ୍ତି ।
5 ବର୍ଷ ପୂର୍ବେ ଘଟିଥିବା ଏହି ଘଟଣାରେ ବିଷାକ୍ତ ମଦ ପିଇ 19 ଜଣଙ୍କର ମୃତ୍ୟୁ ହୋଇଥିଲା । ଅନ୍ୟପକ୍ଷେ 6 ଜଣ ନିଜର ଦୃଷ୍ଟିଶକ୍ତି ହରାଇଥିଲେ । ସୂଚନା ଅନୁଯାୟୀ, ଖଜୁର୍ବାନୀ ବିଷାକ୍ତ ମଦ ମୃତ୍ୟୁ ଘଟଣାରେ ମୋଟ 14 ଜଣଙ୍କୁ ଗିରଫ କରାଯାଇଥିଲା । ଏଥିମଧ୍ୟରୁ ଜଣେ ଅଭିଯୁକ୍ତ ଗ୍ରହଣ ପାସୀର ମୃତ୍ୟୁ ହୋଇଯାଇଛି ।
