ବେଙ୍ଗାଲୁରୁ: KYC ନାଁରେ ସାଇବର ଠକେଇ (Cyber fraud) । ଆଖି ପିଛୁଳାକେ ନେଇ ଗଲେ ୯ ଲକ୍ଷ ଟଙ୍କା । ସାଇବର ଠକେଇର ଶିକାର ହେଲେ ଅବସରପ୍ରାପ୍ତ ଲୋକାୟୁକ୍ତ ରେଜିଷ୍ଟ୍ରାର । ପୋଲିସର ତ୍ବରିତ ପଦକ୍ଷପ ଯୋଗୁଁ ଲୁଟ୍ ହୋଇଥିବା ଟଙ୍କା ଫେରିପାଇଲେ ଅବସରପ୍ରାପ୍ତ ଅଧିକାରୀ । କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ଏଭଳି ଘଟଣା ଘଟିଛି ।
ସୂଚନା ଅନୁଯାୟୀ, ଅବସରପ୍ରାପ୍ତ ଲୋକାୟୁକ୍ତ ରେଜିଷ୍ଟ୍ରାରଙ୍କୁ ଜଣେ ବ୍ୟକ୍ତି KYS ଭରିବା ନେଇ ଫୋନ୍ କରିଥିଲେ । ଏନେଇ ବ୍ୟାଙ୍କ ଆକାଉଣ୍ଟ ନମ୍ବର ମାଗିଥିଲା ସାଇବର ଠକ । ସମସ୍ତ ଡକ୍ୟୁମେଣ୍ଟ ଦେବା ପରେ ଅଧିକାରୀ ଜଣଙ୍କ ଆକାଉଣ୍ଟରୁ ୯ ଲକ୍ଷ ଟଙ୍କା ଗାଏବ ହୋଇଯାଇଥିଲା । ଏନେଇ ସେ ଦକ୍ଷିଣ ପୂର୍ବ ବିଭାଗର ସେନ୍ ପୋଲିସ୍ ଷ୍ଟେସନରେ ଅଭିଯୋଗ କରିଥିଲେ । ଏହାପରେ ଅଷ୍ଟାପ ସାବ ପିଞ୍ଜରା ନାମକ ଜଣେ କନେଷ୍ଟବଳ ଛୁଟିରେ ଥାଇ ମଧ୍ୟ ଅଭିଯୋଗ ଶୁଣି କାନାରା ବ୍ୟାଙ୍କ ମ୍ୟାନେଜର୍ଙ୍କୁ ଫୋନ୍ କରିଥିଲେ ।
ସେ ରାଜସ୍ଥାନର ମ୍ୟାନେଜରଙ୍କୁ ଯୋଗାଯୋଗ କରି ଟଙ୍କା ଟ୍ରାନ୍ସଫର ହୋଇଥିବା ଆକାଉଣ୍ଟକୁ ପ୍ରିଜ କରିବାକୁ କହିଥିଲେ । ଫଳରେ ଗାଏବ ହୋଇଥିବା ଟଙ୍କା ଫେରି ପାଇଥିଲେ ଅବସରପ୍ରାପ୍ତ ଅଧିକାରୀ ଜଣଙ୍କ । ସହଯୋଗ ପାଇଁ ଅଭିଯୋଗକାରୀ ଅବସରପ୍ରାପ୍ତ ଅଧିକାରୀ ପୋଲିସକୁ ଧନ୍ୟବାଦ ଜଣାଇଛନ୍ତି । କନେଷ୍ଟବଳଙ୍କ ଏପରି କାର୍ଯ୍ୟକୁ ସମସ୍ତେ ବେଶ ପ୍ରଶଂସା କରିଛନ୍ତି ।
