ମୁମ୍ବାଇ: ମହାରାଷ୍ଟ୍ରରେ ମହାମାରୀର ଆତଙ୍କ । କଡା କଟକଣା ସତ୍ତ୍ବେ ବେକାବୁ କୋରୋନା । ରେକର୍ଡ ଭାଙ୍ଗୁଛି ସଂକ୍ରମଣ । ଗତ 24 ଘଣ୍ଟାରେ 66 ହଜାର 358 ପଜିଟିଭ ମାମଲା ସାମ୍ନାକୁ ଆସିଛି । ସେପଟେ ଛାତି ଥରାଉଛି ମୃତ୍ୟୁ ସଂଖ୍ୟା ।
କୋରୋନା ଯୋଗୁଁ ଗତ 24 ଘଣ୍ଟା ମଧ୍ୟରେ ରାଜ୍ୟରେ ଗଡିଛି 895 ମୁଣ୍ଡ । ମୁମ୍ବାଇ କଥା ଯଦି ଦେଖିବା ତାହେଲେ, ରାଜଧାନୀରେ ଏହି ସମୟ ମଧ୍ୟରେ 4014 ପଜିଟିଭ ମାମଲା ସାମ୍ନାକୁ ଆସିଛି । ଆଉ ମୁମ୍ବାଇରେ 59 ଜଣଙ୍କ କୋରୋନାରେ ମୃତ୍ୟୁ ହୋଇଛି ।
ସୋମବାର ମହାରାଷ୍ଟ୍ରରେ ସଂକ୍ରମଣରେ ହ୍ରାସ ପରିଲକ୍ଷିତ ହୋଇଥିଲେ ସୁଦ୍ଧା ମୃତ୍ୟୁ ସଂଖ୍ୟା ଅପରିବର୍ତ୍ତିତ ରହିଥିଲା । ରାଜ୍ୟରେ ସୋମବାର 500 ଟପିଥିଲା ମୃତ୍ୟୁ ସଂଖ୍ୟା ।
