ଲକ୍ଷ୍ନୌ: ବୋହୂକୁ ବିବାହ କଲେ ଶ୍ବଶୂର। କଥାଟି ଆଶ୍ଚର୍ଯ୍ୟ ଲାଗୁଥିଲେ ବି ସତ । ଗୋରଖପୁରର ବରହଲଗଞ୍ଜ କୋତୱାଲୀ ପୋଲିସ ଷ୍ଟେସନ ଅଞ୍ଚଳର ଜଣେ 70 ବର୍ଷୀୟ ଶ୍ୱଶୂର ତାଙ୍କ 28 ବର୍ଷ ବୟସ୍କା ବିଧବା ବୋହୂକୁ ବିବାହ କରିବା ଘଟଣା ସାମ୍ନାକୁ ଆସିଛି । ଦୁହେଁ ପରସ୍ପରର ବେକରେ ପୁଷ୍ପମାଳ ପକାଇ ଭଗବାନଙ୍କୁ ସାକ୍ଷୀ ରଖି ଏକ ସ୍ଥାନୀୟ ମନ୍ଦିରରେ ବିବାହ କରିଛନ୍ତି । ତେବେ ଏହି ବିବାହ ବେଳର ଫଟୋ ସୋସିଆଲ ମିଡିଆରେ ଏବେ ଭାଇରାଲ ହେଉଥିବା ବେଳେ ଶ୍ୱଶୁର ଏବଂ ବୋହୂର ପ୍ରେମ ସମ୍ପର୍କକୁ ନେଇ ମଧ୍ୟ ସବୁଆଡେ ସମାଲୋଚନା କରାଯାଇଛି । ତେବେ ବିବାହ କରିଥିବା ବ୍ୟକ୍ତି ହେଉଛନ୍ତି ବରହଲଗଞ୍ଜ ପୋଲିସ ଷ୍ଟେସନରେ ଜଗୁଆଳି ଭାବରେ କାମ କରନ୍ତି । ଯିଏକି ନିଜ ବିଧବା ବୋହୂକୁ ପତ୍ନୀ ରୂପେ ଗ୍ରହଣ କରିଛନ୍ତି ।
ସୂଚନା ମୁତାବକ, ଉତ୍ତର ପ୍ରଦେଶ କୋତୱାଲୀ ପୋଲିସ ଷ୍ଟେସନ ଅଞ୍ଚଳର ଛାପିଆ ଉମରାବ ଗାଁର ବାସିନ୍ଦା କୈଳାଶ ଯାଦବ । ଯାହାଙ୍କର ବୟସ 70 ବର୍ଷ । 12 ବର୍ଷ ପୂର୍ବେ କୈଳାଶଙ୍କ ପତ୍ନୀଙ୍କ ମୃତ୍ୟୁ ହୋଇଥିଲା । ସେହିପରି ତାଙ୍କର ତୃତୀୟ ପୁଅ ମଧ୍ୟ କିଛି ବର୍ଷ ପୂର୍ବେ ମୃତ୍ୟୁବରଣ କରିଥିଲେ । କୈଲାଶଙ୍କ ଚାରି ସନ୍ତାନଙ୍କ ମଧ୍ୟରୁ ତୃତୀୟ ବୋହୂ ପୂଜା(28)ଅନ୍ୟ କେଉଁଠାରେ ବିବାହ କରିବାକୁ ଯାଉଥିଲେ । ଏହିପରି ସୂଚନା ଏବଂ ଆଲୋଚନା ପରେ ଶ୍ୱଶୂର ବୋହୂକୁ ବିବାହ କରିବାକୁ ଇଚ୍ଛା ପ୍ରକାଶ କରିଥିଲେ ।
ଦୁହେଁ ବୟସ ଏବଂ ସମାଜ ନିର୍ବିଶେଷରେ ମନ୍ଦିରକୁ ଯାଇ ପରସ୍ପର ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି । ତେବେ ମନ୍ଦିରରେ ବୃଦ୍ଧ ଜଣକ ତାଙ୍କ ବୋହୂଙ୍କ ସହିତ ବିବାହ କରିଥିବା ଫଟୋ ଏବେ ଭାଇରାଲ ହେବାରେ ଲାଗିଛି । ତେବେ ଏହି ଫଟୋ ଭାଇରାଲ ହେବା ମାତ୍ରେ ଏବେ ଚର୍ଚ୍ଚାର ବିଷୟ ପାଲଟିଛି । ଅନ୍ୟପଟେ ଉଭୟ ବିବାହ ପରେ ଘରେ ପହଞ୍ଚିଥିଲେ ମଧ୍ୟ ସେମାନେ କାହାର ପ୍ରଶ୍ନର କୌଣସି ଉତ୍ତର ଦେଇ ନଥିବା ଜଣା ପଡିଛି ।
ତେବେ ଏନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଚାଲିଛି କି, ଶ୍ବଶୂରକୁ ବୋହୂର ବିବାହ ଅନ୍ୟ କେଉଁଠାରେ କରାଇବାର ଥିଲା, ଯଦି ସେ ଅନ୍ୟ ଏକ ସ୍ଥାନରେ ବିବାହ କରିବାକୁ ଚାହୁଁଥିଲେ । କିନ୍ତୁ ଯେଉଁ ବୟସରେ ସେ ନିଜ ବୋହୂକୁ ତାଙ୍କ ପତ୍ନୀ କରିଛନ୍ତି, ତାହା ଉପଯୁକ୍ତ ନୁହେଁ । ସେପଟେ ଉଭୟେ ବିବାହ ପାଇଁ ସହମତ ଥିବାରୁ ଏହି ବିବାହରେ କୌଣସି ସମସ୍ୟା ନଥିବା ମଧ୍ୟ ଆଲୋଚନା ହେଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
